പരിശോധനയില്‍ ഇവരുടെ പക്കൽ ആവശ്യമായ രേഖകളില്ലെന്ന് കണ്ടെത്തിയതോടെയാണ് നടപടിയെന്നാണ് കുവൈറ്റ് ആഭ്യന്തര മന്ത്രാലയം അറിയിച്ചത്. അറസ്റ്റിലായ മലയാളി നഴ്‌സുമാരിൽ അഞ്ച് മുലയൂട്ടുന്ന അമ്മമാരുമുണ്ട്. നിലവിൽ ആശങ്കപ്പെടേണ്ട സാഹചര്യമില്ലെന്നും കുഞ്ഞുങ്ങളുള്ളവർക്ക് അവരെ കാണാനും മുലയൂട്ടാനും അനുമതി നൽകിയിട്ടുണ്ടെന്നും മന്ത്രി വി മുരളീധരൻ വ്യക്തമാക്കി.
അതേസമയം, തങ്ങൾ യോഗ്യതയുള്ളവരാണെന്നും കൃത്യമായ തൊഴിൽ വിസയിലും സ്‌പോൺസർഷിപോടെയുമാണ് ജോലി ചെയ്യുന്നതെന്നും മലയാളി നഴ്‌സുമാരുടെ കുടുംബാംഗങ്ങൾ പറഞ്ഞു. ഇവരിൽ പലരും കഴിഞ്ഞ മൂന്ന് മുതൽ 10 വർഷമായി ഒരേ ക്ലിനികിൽ ജോലി ചെയ്യുന്നവരാണ്. ഫിലീപീന്‍സ്, ഈജിപ്ത്, ഇറാന്‍ എന്നീ രാജ്യങ്ങളില്‍ നിന്നുള്ളവരും പിടിയിലായിട്ടുണ്ട്. ഒരു ഇറാനിയൻ പൗരന്റെ ഉടമസ്ഥതയിലുള്ള ആശുപത്രിയാണെന്നും ഉടമയും സ്‌പോൺസറും തമ്മിലുള്ള തർക്കമാണ് റെയ്ഡിലേക്കും അറസ്റ്റിലേക്കും നയിച്ചതെന്നുമാണ് നഴ്‌സുമാരുടെ ബന്ധുക്കൾ പറയുന്നത്.
Keywords: News, National, World, New Delhi, V Muraleedharan, Kuwait, Nurse, Arrest, V Muraleedharan says that jailed nurses in Kuwait permitted to breastfeed.
< !- START disable copy paste -->