3 Held | കണ്ണൂരില്‍ ട്രെയിനില്‍ യുവതിക്ക് നേരെ അതിക്രമം: മൂന്ന് യുവാക്കള്‍ പിടിയില്‍

കണ്ണൂര്‍: (www.kvartha.com) ട്രെയിനില്‍ യുവതിക്ക് നേരെ അതിക്രമം നടത്തിയ മൂന്ന് പേരെ വളപട്ടണത്ത് വെച്ച് പിടികൂടിയതായി പോലീസ്. നാഗര്‍ കോവില്‍ നിന്നും മംഗലാപൂരത്തേക്ക് പോവുകയായിരുന്ന ഏറനാട് എക്സ്പ്രസിലാണ് നാടകീയ സംഭവങ്ങള്‍ അരങ്ങേറിയത്. കാഞ്ഞങ്ങാട് സ്വദേശനിയായ യുവതിയെ ട്രെയിനില്‍ സഹയാത്രക്കാരായ യുവാക്കള്‍ അതിക്രമം കാട്ടുകയായിരുന്നു. ഇവരുടെ അതിക്രമം സഹിക്കവയ്യാതെ യുവതി ട്രെയിനിന്റെ ചങ്ങല വലിച്ച് ട്രെയിന്‍ നിര്‍ത്തിയിട്ടതോടെ റെയില്‍വെ പോലീസ് എത്തുകയും അതിക്രമം കാണിച്ച യുവാക്കളെ പോലീസ് കസ്റ്റഡിയിലെടുക്കുകയുമായിരുന്നു.  പോലീസ് കസ്റ്റഡിയിലെടുത്ത ശേഷവും യുവാക്കള്‍ പരാക്രമം തുടര്‍ന്നു. ആറ് വര്‍ഷം ജയിലില്‍ കിടന്നവനാണെന്നും അതുകൊണ്ട് പോലീസിനെ പേടിയില്ലെന്നും അവര്‍ അക്രോശിച്ചതായി പൊലീസ് പറഞ്ഞു. കാഞ്ഞങ്ങാട് സ്വദേശിനിയായ ഇരുപതുകാരി അതേ ട്രെയിനില്‍ വീട്ടിലേക്ക് പോകുകയും ചെയ്തു. വീട്ടുകാരുമായി ആലോചിച്ച് പരാതി നല്‍കുന്ന കാര്യം ആലോചിക്കുമെന്നും അവര്‍ പോലീസിനെ അറിയിച്ചു.  < !- START disable copy paste -->