തിരുവനന്തപുരം: (www.kvartha.com) അതിസുരക്ഷാ മേഖലയായ സെക്രടറിയേറ്റിനുള്ളില്‍ മദ്യപിച്ച് ബഹളമുണ്ടാക്കിയെന്ന പരാതിയില്‍ ജീവനക്കാരനെതിരെ കേസെടുത്ത് പൊലീസ്. ലേബര്‍ ഡിപാര്‍ട്മെന്റിലെ താത്ക്കാലിക ജീവനക്കാരനായ അനില്‍കുമാറിനെതിരെയാണ് മദ്യപിച്ച് ബഹളമുണ്ടാക്കിയതിന് നടപടിയെടുത്തത്.
കഴിഞ്ഞ ശനിയാഴ്ച(02.09.2023)യായിരുന്നു സംഭവം. രാത്രി എട്ടുമണി കഴിഞ്ഞ് സെക്രടേറിയേറ്റിലെ ഒന്നാം നിലയിലുള്ള ലേബര്‍ ഡിപാര്‍ട്മെന്റിന്റെ ഓഫീസിലാണ് മദ്യപിച്ച് ബഹളമുണ്ടാക്കിയതെന്നാണ് വിവരം.
ഈ സമയത്ത് മറ്റ് സെക്രടേറിയേറ്റ് ജീവനക്കാര്‍ ആരുമുണ്ടായിരുന്നില്ല. ഇയാള്‍ എങ്ങനെ പരിശോധനയില്ലാതെ മദ്യം സെക്രടേറിയേറ്റ് വളപ്പിലേക്ക് കൊണ്ടുവന്നുവെന്ന കാര്യത്തിലും വ്യക്തതയില്ല. മദ്യപിച്ച നിലയില്‍ സെക്രടേറിയേറ്റ് വളപ്പിലേക്ക് കടക്കാനാകില്ല.
അതേസമയം, സുരക്ഷാ മേഖലയിലിരുന്ന് ഒരാള്‍ മദ്യപിച്ച സംഭവത്തില്‍ പൊലീസ് മൂന്നാം തിയതിയാണ് കേസ് രെജിസ്റ്റര്‍ ചെയ്ത് എഫ്ഐആര്‍ ഇട്ടതെന്നാണ് ആരോപണം.
Keywords: News, Kerala, Kerala-News, Police-News, News-Malayalam, Police, Case, Secretariate, Drunken, Employee, Thiruvananthapuram: Police case against employee who drunken commotion inside the secretariat.