Science Campaign | ശാസ്ത്രാവബോധ കാംപയിന്‍: പരിഷത്ത് പ്രഭാഷണ പരമ്പര 22ന് തുടങ്ങും

കണ്ണൂര്‍: (www.kvartha.com) ശാസ്ത്രസാഹിത്യ പരിഷത്ത് ശാസ്ത്രാവബോധസമിതി നേതൃത്വത്തില്‍ സംഘടിപ്പിക്കുന്ന സയന്‍സ് ഫെസ്റ്റിവലിന്റെ ഭാഗമായുള്ള ശാസ്ത്രക്ലാസിന്റെ പ്രഭാഷണ പരമ്പര 22ന് തുടങ്ങും. ഉച്ചകഴിഞ്ഞ് 3 ന് മഹാത്മാ മന്ദിരത്തില്‍ നടക്കുന്ന പരിപാടിയില്‍ പ്രൊഫ പാപ്പൂട്ടി മാസ്റ്റര്‍ പ്രഭാഷണം നടത്തും. പൊതു ഇടങ്ങള്‍, കോളജുകള്‍, സ്‌കൂളുകള്‍, ഗ്രന്ഥശാലകള്‍ എന്നിവിടങ്ങളിലാണ് വ്യാപകമായി ക്ലാസ് നടത്തുക.

ശാസ്ത്രബോധം നിത്യജീവിതത്തില്‍, ജ്യോതിഷം ശാസ്ത്രവും വിശ്വാസവും, ഭാരതത്തിന്റെ ശാസ്ത്ര പാരമ്പര്യം- വസ്തുതയും കെട്ടുകഥകളും, ആരാണിന്‍ഡ്യക്കാര്‍, ആരോഗ്യരംഗത്തെ അന്ധവിശ്വാസങ്ങള്‍, ഇന്‍ഡ്യന്‍ ദേശീയത, ഭരണഘടനാ മൂല്യങ്ങളും സമകാലീന വെല്ലുവിളികളും, ലിംഗതുല്യതയും വ്യക്തി നിയമങ്ങളും, പ്രപഞ്ചവിജ്ഞാനത്തിന്റെ പടവുകള്‍, തെളിവുകള്‍ പറയുന്നു-പരിണാമ സിദ്ധാന്തം ശരിയെന്ന്, ജ്യോതിഷവും ജ്യോതിശാസ്ത്രവും, ഭാരതത്തിന്റെ ശാസ്ത്രചരിത്രം, സയന്‍സും ലിംഗതുല്യതയും തുടങ്ങിയ വിഷയങ്ങളിലാണ് വിവിധ കേന്ദ്രങ്ങളില്‍ പ്രഭാഷണം നടത്തുക.

റിസോഴ്‌സ് പരിശീലനം പരിഷത് ഭവനില്‍ സംസ്ഥാന നിര്‍വാഹസ സമിതി അംഗം ടി കെ ദേവരാജന്‍ ക്ലാസ് എടുത്തുകൊണ്ട് ഉദ്ഘാടനം ചെയ്തു. ജില്ലാ സെക്രടറി പിടി രാജേഷ് അധ്യക്ഷനായി. സംസ്ഥാന ട്രഷറര്‍ പി പി ബാബു സംസാരിച്ചു. പി കെ ബൈജു സ്വാഗതവും പി കെ സുധാകരന്‍ നന്ദിയും പറഞ്ഞു.

Keywords: News, Kerala, Kerala-News, Kannur, Kannur-News, Kannur News, Science, Awareness Campaign, Kerala Sasthra Sahithya Parishad, Science Awareness Campaign: Parishad lecture series will start on September 22nd.