Follow KVARTHA on Google news Follow Us!
ad

SBI | എസ്ബിഐ ഉപഭോക്താക്കൾക്കായി പുതിയ സൗകര്യം അവതരിപ്പിച്ചു; ഇപ്പോൾ യുപിഐ വഴി ഈ പ്രത്യേക സവിശേഷത ഉപയോഗിക്കാൻ കഴിയും

സാമ്പത്തിക രംഗത്ത് മുന്നേറ്റമുണ്ടാക്കുമെന്ന് പ്രതീക്ഷ SBI, Digital Rupee, UPI, RBI, Finanace
ന്യൂഡെൽഹി: (www.kvartha.com) രാജ്യത്തെ ഏറ്റവും വലിയ പൊതുമേഖലാ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ (SBI) ഡിജിറ്റലൈസേഷൻ പ്രോത്സാഹിപ്പിക്കുന്നതിനായി പുതിയ സേവനം തുടങ്ങി. യുപിഐ ഇന്റർഓപ്പറബിലിറ്റി സേവനം ആരംഭിക്കുന്നതായി ബാങ്ക് അറിയിച്ചു. ഇതോടെ ഇപ്പോൾ യുപിഐ വഴി നേരിട്ട് ഡിജിറ്റൽ രൂപ ഇടപാടുകൾ നടത്താനാകും. ഈ നീക്കം ഡിജിറ്റൽ രൂപയുടെ ഉപയോഗത്തിന് ഉത്തേജനം നൽകുമെന്ന് പ്രതീക്ഷിക്കുന്നു.

News, National, New Delhi, SBI, Digital Rupee, UPI, RBI, Finanace,  SBI Makes Digital Rupee Interoperable With UPI, Here's What You Need To Know.

എസ്ബിഐയുടെ ഡിജിറ്റൽ രൂപ സെൻട്രൽ ബാങ്ക് ഡിജിറ്റൽ കറൻസി (CBDC) എന്നാണ് അറിയപ്പെടുക. ഉപഭോക്താക്കൾക്ക് 'eRupee by SBI' ആപ്പ് വഴി ഈ സേവനം ലഭിക്കും. ഈ ആപ്പിന്റെ സഹായത്തോടെ യുപിഐ ക്യുആർ കോഡ് ഏതെങ്കിലും കടയിലോ മറ്റേതെങ്കിലും സ്ഥലത്തോ സ്കാൻ ചെയ്യാനും ഡിജിറ്റൽ രൂപ ഉപയോഗിച്ച് നേരിട്ട് പണമടയ്ക്കാനും കഴിയും.

ഡിജിറ്റൽ പേയ്‌മെന്റിന്റെ പ്രോത്സാഹനം

കഴിഞ്ഞ വർഷം ഡിസംബറിലാണ് എസ്ബിഐ ആദ്യമായി ഡിജിറ്റൽ രൂപ അവതരിപ്പിച്ചത്. നിലവിലുള്ള കറൻസിയുടെ ഡിജിറ്റൽ പതിപ്പാണ് സിബിഡിസി. പുതിയ സേവനം ഉപയോക്താക്കൾക്ക് സൗകര്യവും എളുപ്പത്തിലുള്ള ലഭ്യതയും നൽകുമെന്ന് എസ്ബിഐ പറയുന്നു. സിബിഡിസിയെ യുപിഐയുമായി സംയോജിപ്പിക്കുന്നത് ജനങ്ങൾക്കിടയിൽ ഡിജിറ്റൽ കറൻസിയുടെ ഉപയോഗം വർധിപ്പിക്കുമെന്ന് ബാങ്ക് അറിയിച്ചു.

എങ്ങനെ പണമടയ്ക്കാനാകും?

ആദ്യം ഇ രൂപയിൽ (E-Rs) രജിസ്റ്റർ ചെയ്യണം. തുടർന്ന് ഇ-രൂപ വാലറ്റിൽ പണം നിക്ഷേപിക്കാം. നിങ്ങൾ എസ്ബിഐയുടെ ഉപഭോക്താവാണെങ്കിൽ, ബാങ്കിന്റെ ഔദ്യോഗിക വെബ്സൈറ്റ് സന്ദർശിച്ച് ലോഡ് ഓപ്ഷൻ തിരഞ്ഞെടുക്കുക . തുടർന്ന് നിങ്ങളുടെ ലിങ്ക് ചെയ്ത അക്കൗണ്ടിൽ നിന്ന് പണം ട്രാൻസ്ഫർ ചെയ്യാം. ഇ-രൂപ വാലറ്റിലേക്ക് പണം നിക്ഷേപിച്ചയുടൻ, ആപ്പിലൂടെ എളുപ്പത്തിൽ യുപിഐ പേയ്‌മെന്റ് നടത്താനാകും.

Keywords: News, National, New Delhi, SBI, Digital Rupee, UPI, RBI, Finanace,  SBI Makes Digital Rupee Interoperable With UPI, Here's What You Need To Know.
< !- START disable copy paste -->

Post a Comment