ഇതിന്റെ പ്രാരംഭ പ്രവര്‍ത്തനങ്ങള്‍ ആരംഭിച്ച ക്വാറിയോട് ചേര്‍ന്നാണ് 400 കെവി വൈദ്യുത ലൈനും ടവറും വരുന്നത്. ക്വാറിയ്ക്കായി ടവറിന്റെ നിര്‍മാണം താമസിപ്പിക്കുകയാണെന്നും പ്രദേശവാസികള്‍ ആരോപിച്ചു. ക്വാറിയിലേയ്ക്ക് റോഡിന്റെ നിര്‍മാണവുമാരംഭിച്ചിട്ടുണ്ട്. 1948-ല്‍ വലിയ ഉരുള്‍പൊട്ടലും വെള്ളപ്പാച്ചിലുമുണ്ടായ സ്ഥലമാണിത്. അതിന്റെ തുടര്‍ചയെന്നോണം എല്ലാവര്‍ഷവും ചെറിയരീതിയില്‍ ഇവിടെ ഉരുള്‍പൊട്ടലുണ്ടാകുന്നുണ്ടെന്നും ഇവിടം പരിസ്ഥിതിലോല പ്രദേശമാണെന്നും പ്രദേശവാസികള്‍ പറയുന്നു.
വയക്കര, പെരിങ്ങോം വിലേജുകളില്‍പ്പെട്ടതാണ് നിര്‍ദിഷ്ട ക്വാറി പ്രദേശം. എല്ലോറ എന്ന പേരില്‍ ക്വാറിയും ക്രഷറും നടത്തുന്നതിന് കണ്ണൂര്‍ അഡീഷനല്‍ ഡിസ്ട്രിക്ട് മജിസ്ട്രേറ്റ് മുന്‍പാകെ ക്വാറി നടത്തിപ്പുകാരിലൊരാള്‍ അപേക്ഷ സമര്‍പ്പിച്ചതായും വിവരാവകാശ നിയമപ്രകാരം പ്രദേശവാസികള്‍ക്ക് അറിവ് ലഭിച്ചിട്ടുണ്ട്.
ക്വാറിയ്ക്കും ക്രഷറിക്കുമെതിരേ ജനകീയ കമിറ്റി രൂപവത്കരിച്ച് പ്രദേശവാസികള്‍ പ്രവര്‍ത്തനം ആരംഭിച്ചു. 400 കെവി ലൈനിന്റെയും ടവറിന്റെയും പണികള്‍ ഉടന്‍ തുടങ്ങണമെന്നും കരിങ്കല്‍ ക്വാറിക്കുവേണ്ടി നിര്‍മാണം താമസിപ്പിച്ചാല്‍ ശക്തമായ പ്രതിഷേധിക്കുമന്നും ആക്ഷന്‍ കമിറ്റി ഭാരവാഹികള്‍ അറിയിച്ചു.
Keywords: Public protest against opening of quarry and crusher in Nedumthat Koovakaramala, Kannur, News, Protest, Quarry and Crusher, Natives, Committee, Application, Submit, Kerala.