കുട്ടനാട്ടെ പാര്‍ടി പ്രവര്‍ത്തകരുടെ കൂറുമാറ്റത്തെ തുടര്‍ന്ന് സി പി ഐയുമായി ഇടഞ്ഞു നില്‍ക്കുന്ന സി പി എമുമായി കൂടുതല്‍ അടുത്ത് പരമാവധി എം പിമാരെ കൂട്ടുന്നതിനാണ് ജോസ് കെ മാണിയുടെ നേതൃത്വത്തില്‍ തന്ത്രമൊരുക്കുന്നത്.
ആളില്ലാ പാര്‍ടിയായ സി പി ഐയെക്കാള്‍ കൂടുതല്‍ ലോക്സഭാ സീറ്റുകള്‍ ആവശ്യപ്പെടണമെന്ന് കോട്ടയത്ത് കഴിഞ്ഞ തവണ നടന്ന സംസ്ഥാന കമിറ്റി യോഗത്തില്‍ ഉള്‍പെടെ ശക്തമായ ആവശ്യം ഉയര്‍ന്നിരുന്നു.
കേരള കോണ്‍ഗ്രസ് എം ഇടതുചേരിയില്‍ എത്തിയതിന് ശേഷമുള്ള ആദ്യ ലോക്സഭാ തിരഞ്ഞെടുപ്പാണ് വരാനിരിക്കുന്നത്. കൂടുതല്‍ സീറ്റുകള്‍ വേണമെന്ന കാര്യം അനൗദ്യോഗികമായി കേരള കോണ്‍ഗ്രസ് എം, സിപിഎം നേതാക്കളോട് പല ഘട്ടത്തിലും പറഞ്ഞിരുന്നു. സീറ്റുകള്‍ ഔദ്യോഗികമായി തന്നെ ആവശ്യപ്പെടാനാണ് ഉന്നതാധികാര സമിതിയില്‍ തീരുമാനമായിരിക്കുന്നത്.
എന്നാല്‍ ഇത്തരം അവകാശവാദങ്ങളില്‍ സി പി എം നേതൃത്വം ഇതുവരെ പ്രതികരിച്ചിട്ടില്ല. തിരഞ്ഞെടുപ്പ് വിജ്ഞാപനം വന്നതിനു ശേഷം മാത്രമേ മുന്നണിയില്‍ സീറ്റു ചര്‍ചകള്‍ തുടങ്ങേണ്ടതുളളൂവെന്ന നിലപാടിലാണ് ഇടതുമുന്നണി കണ്‍വീനര്‍ ഇപി ജയരാജന്‍. എന്തുതന്നെയായാലും നിരവധി പാര്‍ടി ഗ്രാമങ്ങളും രക്ത സാക്ഷികളുമുളള വടകര മണ്ഡലം വിട്ടുകൊടുക്കാന്‍ സാധ്യത വളരെ കുറവാണ്.
Keywords: Mani Congress demands 4 seats in Lok Sabha elections, Kannur, News, Mani Congress, Loksabha Seat, Politics, CPM, Meeting, CPI, Kerala News.