Tragic Death | മലപ്പുറത്ത് മുറ്റത്ത് കളിക്കുന്നതിനിടെ മതിലിടിഞ്ഞ് വീണ് 3 വയസുകാരന് ദാരുണാന്ത്യം; അപകടം അമ്മയുടെ കണ്‍മുന്നില്‍വെച്ച്

മലപ്പുറം: (www.kvartha.com) താനൂരില്‍ മതില്‍ ഇടിഞ്ഞുവീണ് പിഞ്ചുകുഞ്ഞിന് ദാരുണാന്ത്യം. ഫസല്‍ - അഫ്‌സിയ ദമ്പതികളുടെ മൂന്ന് വയസുകാരനായ മകന്‍ ഫര്‍സീന്‍ ആണ് മരിച്ചത്. മുറ്റത്ത് കളിക്കുമ്പോള്‍ കുഞ്ഞിന് മതില്‍ മുകളിലേക്ക് വീഴുകയായിരുന്നു.

തിങ്കളാഴ്ച (11.09.2023) രാവിലെയാണ് സംഭവം. അമ്മയോടൊപ്പം കുഞ്ഞ് മുറ്റത്തേക്ക് ഇറങ്ങുകയായിരുന്നു. ഈ സമയം, ശക്തമായ മഴയുമുണ്ടായിരുന്നു. കളിക്കുന്നതിനിടെ കുഞ്ഞിന്റെ മുകളിലേക്ക് മതില്‍ വീഴുകയായിരുന്നു. ഉടന്‍തന്നെ കുഞ്ഞിനെ താനൂരിലെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല. 

അതേസമയം, നേരത്തെ തന്നെ മതിലിന് പ്രശ്‌നമുണ്ടായിരുന്നുവെന്നാണ് സമീപവാസികള്‍ പറയുന്നത്. 

Keywords: News, Kerala, Kerala-News, Malappuram-News, Accident-News, Malappuram News, Toddler, Died, Accident, Three Year Old, Boy, Wall, Fell, Malappuram: Three year old boy died after wall fell on body.