Accidental Death | മലപ്പുറത്ത് ബൈക് നിയന്ത്രണം വിട്ട് റോഡരികിലെ കടമുറിയിലേക്ക് ഇടിച്ചു കയറി; കോളജ് അധ്യാപകന് ദാരുണാന്ത്യം

മലപ്പുറം: (www.kvartha.com) വളാഞ്ചേരിയില്‍ ബൈക് നിയന്ത്രണം വിട്ട് മറിഞ്ഞുണ്ടായ അപകടത്തില്‍ കോളജ് അധ്യാപകന് ദാരുണാന്ത്യം. പാലക്കാട് പട്ടാമ്പി ചെമ്പ്ര സ്വദേശി പ്രസാദാണ് മരിച്ചത്. പുലര്‍ചെ വളാഞ്ചേരി-മൂച്ചിക്കല്‍ ബൈപാസിന് സമീപമാണ് അപകടമുണ്ടായത്.

ഇദ്ദേഹം സഞ്ചരിച്ച ബൈക് നിയന്ത്രണം വിട്ട് റോഡരികിലെ കടമുറിയിലേക്ക് ഇടിച്ച് കയറിയ നിലയിലായിരുന്നു. ഞായറാഴ്ച (17.09.2023) പുലര്‍ചെ 3 മണിയോടെ പരുക്കേറ്റ നിലയില്‍ കണ്ടെത്തിയ ഇദ്ദേഹത്തെ വളാഞ്ചേരി പൊലീസാണ് വളാഞ്ചേരിയിലെ ആശുപത്രിയില്‍ പ്രവേശിപ്പിച്ചത്. അപ്പോഴേക്കും മരണം സംഭവിച്ചു. 

എങ്ങനെ അപകടമുണ്ടായെന്നതിനെക്കുറിച്ച് പൊലീസ് അന്വേഷണം ആരംഭിച്ചു. വളാഞ്ചേരിയിലെ ആശുപത്രി മോര്‍ചറിയില്‍ സൂക്ഷിച്ചിരിക്കുന്ന മൃതദേഹം പോസ്റ്റുമോര്‍ടം നടപടികള്‍ക്ക് ശേഷം ബന്ധുക്കള്‍ക്ക് വിട്ടുകൊടുക്കും. ഇരിമ്പിളിയം പുറമണ്ണൂരിലെ മജ്‌ലിസ് കോളജില്‍ ഫിസിക്‌സ് അധ്യാപകനായി ജോലി ചെയ്ത് വരികയായിരുന്നു.

Keywords: News, Kerala, Kerala-News, Accident-News, Malayalam-News, Palakkad, Malappuram News, College Lecturer, Died, Bike Accident, Accidental Death, Valanchery News. Moochikkal News, Malappuram: College lecturer died in bike accident.