കണ്ണൂര്: (www.kvartha.com) മംഗ്ളൂറു ട്രെയിനില് യാത്രക്കാരനെ മരിച്ച നിലയില് കണ്ടെത്തി. ഗുജറാത് തുളസിദര് സ്വദേശി സയ്യിദ് ആരിഫ് ഹുസൈന് (66) ആണ് മരിച്ചത്.
ചെന്നൈ - മംഗ്ളൂറു മെയിലിലെ യാത്രക്കാരന് ആയിരുന്നു. രാവിലെ ഒമ്പത് മണിയോടെ ട്രെയിന് കണ്ണൂരില് എത്തിയപ്പോഴാണ് ഒപ്പം യാത്ര ചെയ്യുന്നയാള് മരിച്ച വിവരം മറ്റ് യാത്രക്കാരുടെ ശ്രദ്ധയില്പെട്ടത്. മൃതദേഹം കണ്ണൂര് ജില്ലാ ആശുപത്രിയിലേക്ക് മാറ്റി.
ചെന്നൈയില് നിന്ന് കയറിയ ഇയാള് കാസര്ക്കോട്ടേക്കാണ് ടികറ്റ് എടുത്തിരുന്നത്. സംഭവത്തില് റെയില്വേ പൊലീസ് അസ്വാഭാവിക മരണത്തിന് കേസെടുത്ത് അന്വേഷണമാരംഭിച്ചിട്ടുണ്ട്.