കെ എല്‍ 18 ജെ 7516 നമ്പര്‍ ബൊലേറോ ജീപ് നിയന്ത്രണം വിട്ട് തലകീഴായി മറിയുകയായിരുന്നു. കൊളവല്ലൂര്‍ ഹയര്‍ സെകന്‍ഡറി സ്‌കൂളിനും ടി പി ജി എം മെമ്മോറിയല്‍ യൂപി സ്‌കൂളിനും ഇടയ്ക്കായുള്ള വളവിലാണ് സംഭവം. നിയന്ത്രണംതെറ്റിയ ജീപ് സമീപത്തെ നീളപ്പറമ്പത്ത് കുഞ്ഞമ്മദിന്റെ വീട്ടുമുറ്റത്തേക്ക് മറിയുകയായിരുന്നു. അപകടം രാവിലെയായതിനാല്‍ വന്‍ ദുരന്തമാണ് വഴിമാറിയത്.
സ്‌കൂള്‍ കുട്ടികള്‍ അടക്കം സഞ്ചരിക്കുന്ന ഏറ്റവും തിരക്കേറിയ ജങ്ഷന്‍ കൂടിയാണിത്. ഉഗ്ര ശബ്ദത്തോടെയാണ് ജീപ് താഴേക്ക് പതിച്ചത്. അപകടവിവരമറിഞ്ഞെത്തിയ പൊലീസും സമീപവാസികളും വാഹനത്തിലുണ്ടായിരുന്നവരെ പുറത്തെടുത്ത് ചാ മിംസ് ആശുപത്രിയിലേക്ക് കൊണ്ടുപോയി. ഇവരുടെ പരുക്ക് സാരമുളളതല്ലെന്ന് ആശുപത്രി വൃത്തങ്ങള്‍ അറിയിച്ചു.
കാസര്‍കോട്ടെ ഭാര്യാ വീട്ടില്‍ നിന്നും നാദാപുരം വിലങ്ങാടേക്കുള്ള യാത്രയിലായിരുന്നു ദമ്പതികള്‍. അപകടത്തില്‍ ജീപ് പൂര്‍ണമായും തകര്‍ന്ന നിലയിലാണ്. സംഭവത്തില്‍ പാനൂര്‍ പൊലീസ് അന്വേഷണമാരംഭിച്ചിട്ടുണ്ട്.
.jpg "Accident")
Keywords: News, Kerala, Kerala-News, Accident-News, Kammur News, Panur News, Jeep, Bolero, Accident, Injured, Couple, Kannur: Couple injured in Jeep went out of control and overturned in the backyard at Panur.