നമ്മൾ വലിച്ചെറിയുന്ന പ്ലാസ്റ്റിക് കുപ്പിയിലും തക്കാളി നടാം. ഒരു ചെറിയ കുപ്പിയിൽ വളർത്താൻ കഴിയുന്ന ചുരുക്കം ചില ചെടികളിൽ ഒന്നാണ് തക്കാളി. ഏകദേശം ഒരു മണിക്കൂറിനുള്ളിൽ, നിങ്ങൾക്ക് ഉപയോഗിച്ച പ്ലാസ്റ്റിക് കുപ്പികളെ ആകർഷകമായ തൂക്കിയിടുന്ന ചെടികളാക്കി മാറ്റാൻ കഴിയും.
നേട്ടങ്ങൾ
* വേഗത്തിലും എളുപ്പത്തിലും ചെയ്യാം: ഇത് സങ്കീർണമല്ലാത്തതും ഒരു മണിക്കൂറിനുള്ളിൽ പൂർത്തിയാക്കാൻ കഴിയുന്നതുമാണ്.
* പരിസ്ഥിതി സൗഹൃദം: ഉപയോഗിച്ച പ്ലാസ്റ്റിക് കുപ്പികൾ റീസൈക്കിൾ ചെയ്യാനും പുനരുപയോഗം ചെയ്യാനും മികച്ച മാർഗമാണ്.
* സൗന്ദര്യാത്മകത: കുറെയേറെ ചെടികൾ ഒന്നിച്ചുനടുമ്പോൾ ദൃശ്യപരമായി മനോഹാരിത പകരും, പ്രത്യേകിച്ചും നിങ്ങൾ പച്ച നിറത്തിലുള്ള പ്ലാസ്റ്റിക് കുപ്പികൾ ഉപയോഗിക്കുകയാണെങ്കിൽ. എന്നിരുന്നാലും, ഏത് നിറവും ഡിസൈനും ചെയ്യാം.
ആവശ്യമായ വസ്തുക്കൾ
* ഉപയോഗിച്ച പ്ലാസ്റ്റിക് കുപ്പികൾ (രണ്ട് മുതൽ നാല് ലിറ്റർ വരെ വലിപ്പമുള്ളത്)
* ചെറിയ തക്കാളി തൈകൾ
* ടേപ്പ് (Masking tape)
* കത്തി
* മണ്ണ് അല്ലെങ്കിൽ കമ്പോസ്റ്റ്
എങ്ങനെ ചെയ്യാം?
* കുപ്പി തയ്യാറാക്കുക: ആദ്യം, നിങ്ങളുടെ പ്ലാസ്റ്റിക് കുപ്പികൾ വൃത്തിയുള്ളതും ലേബലുകളില്ലാത്തതുമാണെന്ന് ഉറപ്പാക്കുക. ഒരു കത്തി ഉപയോഗിച്ച്, കുപ്പിയുടെ അടിഭാഗം ശ്രദ്ധാപൂർവം മുറിക്കുക.
* അരികുകൾ മിനുസപ്പെടുത്തുക: കുപ്പി മുറിക്കുമ്പോൾ അരികുകൾ പരുപരുത്തതായി മാറാം. അരികുകൾ മിനുസപ്പെടുത്തുകയും ടേപ്പ് ഉപയോഗിച്ച് ഇവ മറയ്ക്കുകയും ചെയ്യാം. തുടർന്ന്, ടേപ്പിലൂടെ (കുപ്പിയിലൂടെയും) ഓരോ വശത്തും തുല്യ അകലത്തിലുള്ള നാല് ദ്വാരങ്ങൾ ഉണ്ടാക്കുക.
* തൈ നടുക : കുപ്പി തലകീഴായി തിരിക്കുക, അതായത് വായ താഴേക്ക് ആയ നിലയിൽ. തുടർന്ന് തക്കാളി തൈകൾ കുപ്പിയുടെ വായിലൂടെ ശ്രദ്ധാപൂർവം അകത്ത് വെക്കുക.
* മണ്ണ് ചേർക്കുക : കുപ്പിയിൽ മുക്കാൽ ഭാഗം വരെ നല്ല ഗുണനിലവാരമുള്ള കമ്പോസ്റ്റോ മണ്ണോ നിറയ്ക്കുക.
* നൂല് ഉപയോഗിച്ച് സുരക്ഷിതമാക്കുക: ദ്വാരങ്ങളിലൂടെ നൂല് നന്നായി കെട്ടുക. ചെടി സുരക്ഷിതമാണെന്ന് ഉറപ്പുവരുത്തുക.
* ശരിയായ സ്ഥലം തിരഞ്ഞെടുക്കുക: ചെടി വെയിലുള്ള സ്ഥലത്ത് തൂക്കിയിടുക. തക്കാളി സൂര്യപ്രകാശത്തിൽ തഴച്ചുവളരുന്നു.
* നനവ്: നിങ്ങളുടെ തൂങ്ങിക്കിടക്കുന്ന തക്കാളി ചെടിക്ക് സ്ഥിരമായ നനവ് ആവശ്യമാണ്. ഇടയ്ക്കിടെ അവ പരിശോധിക്കുക, മണ്ണ് ഈർപ്പമുള്ളതാണെന്നും എന്നാൽ വെള്ളം കെട്ടിനിൽക്കില്ലെന്നും ഉറപ്പാക്കുക.
എന്തുകൊണ്ടാണ് തക്കാളി പ്ലാസ്റ്റിക് കുപ്പികളിൽ നന്നായി വളരുന്നു?
മിക്ക ചെടികളും പ്ലാസ്റ്റിക് വസ്തുക്കളിൽ നടുന്നത് പാടില്ലെന്ന് പറയാറുണ്ട്, പക്ഷേ തക്കാളി അതിൽ നന്നായി വളരുന്നു, ഇതിന് കാരണം പ്ലാസ്റ്റിക് കാരണം മണ്ണിന് ഏകദേശം അഞ്ച് ഡിഗ്രി ചൂടാകാം, അത്തരമൊരു സാഹചര്യത്തിൽ ചെടിക്ക് വളരാൻ കൂടുതൽ അന്തരീക്ഷം ലഭിക്കുന്നു. ഇതിൽ കളവളർച്ച തീരെ കുറവായതിനാൽ ഇതിൽ ചെടി നന്നായി വളരും.
Farming, Agriculture, Cultivation, Tomatoes, Plant, Kitchen, Plastic Bottles, Crop, How to Grow Tomatoes Upside Down in Plastic Bottles.