പാതിരാത്രിയില്‍ വീട്ടില്‍ നിന്നും ഇറങ്ങിപ്പോകും മുമ്പ് എഴുതിവെച്ച കുറിപ്പ് രാവിലെ വീട്ടുകാര്‍ കണ്ടെടുത്തോടെ പൊലീസില്‍ പരാതിപ്പെടുകയായിരുന്നു. പരാതി ലഭിച്ചതിന് പിന്നാലെ വീടിന് സമീപത്തെ സിസിടിവി കാമറകള്‍ പൊലീസ് പരിശോധിച്ചപ്പോള്‍ സബ്‌വേയ്ക്ക് സമീപത്തായി കുട്ടി ബെഡ്ഷീറ്റുമായി പോകുന്നതായി കണ്ടു. വൈകാതെ ഒരുദിവസത്തിന് ശേഷം കുട്ടിയെ ഷോപിംഗ് മാളില്‍ കണ്ടെത്തിയെന്നും പൊലീസ് റിപോര്‍ട് ചെയ്തു.
അജ്ഞാതമായ കാരണങ്ങളാല്‍ തന്റെ ഫോണ്‍ വീട്ടില്‍ ഒളിപ്പിച്ചിരിക്കുകയാണെന്നും താന്‍ തിരിച്ച് വന്നിട്ട് ബാക്കിയുള്ള ഗൃഹപാഠം ചെയ്യാമെന്നും അവന്‍ കുറിപ്പിലെഴുതിയെന്ന് സൗത് ചൈന മോര്‍ണിംഗ് പോസ്റ്റ് റിപോര്‍ട് ചെയ്തു.
അതേസമയം, കുട്ടി വീടുവിട്ടിറങ്ങുമ്പോള്‍ എഴുതിയ കുറിപ്പ് ഇപ്പോള്‍ ചൈനയിലെ സാമൂഹിക മാധ്യമങ്ങളില്‍ വൈറലാണ്. രാജ്യത്തെ കുട്ടികള്‍ നേരിടുന്ന അകാഡമിക് സമ്മര്‍ദത്തെ കുറിച്ചുള്ള ചര്‍ച്ചകള്‍ക്കാണ് ആ 11 കാരന്റെ കുറിപ്പ് തുടക്കമിട്ടത്. ആ പതിനൊന്നുകാരന്റെ കത്തില്‍, പുറം ലോകത്തെ ബുദ്ധിമുട്ടുകള്‍ അനുഭവിക്കണമെന്നും ഏതാനും ദിവസങ്ങള്‍ക്കുള്ളില്‍ തിരികെ വരുമെന്നും എഴുതിയാണ് വീട്ടില്‍ നിന്ന് ഇറങ്ങിയത്.
കുട്ടിയുടെ ഈ കുറിപ്പാണ്‌ സാമൂഹിക മാധ്യമ ഉപയോക്താക്കളെ രസിപ്പിച്ചത്. ആ 11 കാരന്‍ ധീരനും ശക്തനുമായ വ്യക്തിയാണെന്ന് സാമൂഹിക മാധ്യമ ഉപയോക്താക്കള്‍ കുറിച്ചു. മറ്റ് ചിലര്‍ സ്‌കൂള്‍ വിദ്യാര്‍ഥികള്‍ അനുഭവിക്കുന്ന മാനസിക സമ്മര്‍ദത്തെ കുറിച്ച് വാചാലരായി.
അധ്യാപകരും മാതാപിതാക്കളും നല്‍കുന്ന ടണ്‍ കണക്കിന് ടാസ്‌കുകള്‍ കാരണം ചൈനയിലെ സ്‌കൂള്‍ കുട്ടികളെ ഇപ്പോള്‍ സ്‌കൂള്‍ സമയത്തിന് ശേഷം പുറത്ത് കളിക്കാന്‍ അനുവദിക്കുന്നില്ല. വാരാന്ത്യങ്ങളില്‍ അവര്‍ക്ക് വിശ്രമിക്കാന്‍ പോലും കഴിയില്ലെന്ന് സാമൂഹിക മാധ്യമ ഉപയോക്താക്കള്‍ എഴുതിയെന്ന് സൗത് ചൈന മോര്‍ണിംഗ് പോസ്റ്റ് റിപോര്‍ട് ചെയ്തു.
.jpg "Student")
Keywords: News, World, World-News, Regional-News, China News, Boy, Quarrel, Parents, Found, Shopping Mall, Police, China: Boy, 11, runs away after quarrel with parents leaving note he wants to ‘experience hardship’ for 3 days, found in shopping mall by police.