കോര്‍പറേഷന്‍ പരിധിയില്‍ പല പ്രധാന റോഡുകളിലെല്ലാം വാഹനങ്ങളിലും കാല്‍നടയായും എത്തുന്നവര്‍ മാലിന്യം റോഡില്‍ ഉപേക്ഷിക്കുന്നത് സ്ഥിരം കാഴ്ചയാണ്. ഇതിന് പരിഹാരം കാണുന്നതിനാണ് കോര്‍പറേഷന്‍ ഭരണ സമിതി കാമറകള്‍ സ്ഥാപിക്കാന്‍ തീരുമാനിച്ചതും എത്രയും പെട്ടെന്ന് പ്രാവര്‍ത്തികമാക്കുകയും ചെയ്തത്. നഗരത്തിലെ പ്രധാന റോഡുകളിലെല്ലാം കാമറ ഒരുക്കിയതോടൊപ്പം വിവിധ സോണലുകളിലെ ഹെല്‍ത് ഡിവിഷനുകള്‍ക്ക് സമീപത്തും കാമറ സ്ഥാപിച്ചിട്ടുണ്ട്.
ഏഴ് സോണലുകളിലായാണ് 90 കാമറ സ്ഥാപിച്ചിട്ടുള്ളത്. രാത്രികാലങ്ങളിലാണ് പ്രധാന റോഡുകളിലും ഒഴിഞ്ഞ് കിടക്കുന്ന പറമ്പുകളിലും വാഹനങ്ങളിലെത്തി മാലിന്യം വലിച്ചെറിയുന്നതെന്ന് അധികൃതര്‍ പറയുന്നു. ആരോഗ്യ വിഭാഗം സ്‌പെഷ്യല്‍ സ്‌ക്വാഡ് രാത്രികാലങ്ങളില്‍ മാലിന്യം വലിച്ചെറിയുന്നത് പിടികൂടുകയും ഇവരില്‍ നിന്നും പിഴ ഈടാക്കുകയും ചെയ്യുന്നുണ്ടെങ്കിലും മാലിന്യം വലിച്ചെറിയുന്നതിന് കുറവില്ലാത്ത സാഹചര്യത്തിലാണ് കാമറകള്‍ സ്ഥാപിച്ചത്.
Keywords: 90 CCTV cameras will be installed in Kannur Corporation to prevent dumping of garbage, Kannur, News, CCTV Cameras, Kannur Corporation, Garbage, Vehicle, Fined, Health, Kerala News.