ഈ സാഹചര്യത്തിൽ, ആധാർ അപ്ഡേറ്റ് ചെയ്യാൻ എപ്പോഴും ആധാർ പോർട്ടൽ ഉപയോഗിക്കുക. അതേ സമയം, ഓഫ്‌ലൈൻ സൗകര്യം പ്രയോജനപ്പെടുത്തുന്നതിന്, അടുത്തുള്ള ആധാർ കേന്ദ്രം സന്ദർശിക്കുക. 10 വർഷത്തിലേറെ പഴക്കമുള്ള ആധാർ അപ്ഡേറ്റ് ചെയ്യാൻ ആവശ്യപ്പെട്ട് യുഐഡിഎഐ കുറച്ച് കാലമായി ഒരു കാംപയിൻ നടത്തുന്നുണ്ട്. ആധാറിന് 10 വർഷത്തിൽ കൂടുതൽ പഴക്കമുള്ള ആളുകൾ ആധാറിലെ ഐഡന്റിറ്റി പ്രൂഫ്, പ്രൂഫ് ഓഫ് അഡ്രസ് (POI / POA) രേഖകൾ പോലുള്ള വിശദാംശങ്ങൾ അപ്ഡേറ്റ് ചെയ്യണമെന്ന് യുഐഡിഎഐ പറയുന്നു.
ഇതിനായി സൗജന്യമായി ആധാർ അപ്ഡേറ്റ് ചെയ്യാനുള്ള സൗകര്യവും യുഐഡിഎഐ നൽകുന്നുണ്ട്. നേരത്തെ ഈ സൗജന്യ സേവനം 2023 ജൂൺ 14 വരെ ലഭ്യമായിരുന്നു, അത് ഇപ്പോൾ 2023 സെപ്റ്റംബർ 14 വരെ നീട്ടിയിട്ടുണ്ട്.
സൗജന്യമായി ആധാർ എങ്ങനെ അപ്ഡേറ്റ് ചെയ്യാം:
1. ഇതിനായി ആദ്യം https://myaadhaar(dot)uidai(dot)gov(dot)in / വെബ്സൈറ്റിൽ ക്ലിക്ക് ചെയ്ത് നിങ്ങളുടെ ആധാർ നമ്പർ നൽകുക.
2. തുടർന്ന് വിലാസം അപ്ഡേറ്റ് ചെയ്യാൻ തുടരുക എന്ന ഓപ്ഷൻ തിരഞ്ഞെടുക്കുക.
3. അടുത്തതായി, നിങ്ങളുടെ രജിസ്റ്റർ ചെയ്ത മൊബൈൽ ഫോണിലേക്ക് ഒ ടി പി അയയ്‌ക്കും, അത് ഇവിടെ നൽകണം.
4. അടുത്തതായി നിങ്ങൾ ഡോക്യുമെന്റ് അപ്ഡേറ്റ് എന്ന ഓപ്ഷനിൽ ക്ലിക്ക് ചെയ്യണം. ഇവിടെ നിങ്ങൾ നിലവിലെ വിലാസം കാണും.
5. നിങ്ങളുടെ വിലാസം ശരിയാണെങ്കിൽ സ്ഥിരീകരിക്കാൻ ലിങ്കിൽ ക്ലിക്ക് ചെയ്യുക.
6. ഇതിനുശേഷം നിങ്ങൾ ഐഡന്റിറ്റി പ്രൂഫ്, അഡ്രസ് പ്രൂഫ് എന്നിവയ്ക്കുള്ള ഓപ്ഷൻ തിരഞ്ഞെടുക്കണം.
7. ഇതിനുശേഷം അഡ്രസ് പ്രൂഫിനായി സ്‌കാൻ കോപ്പി അപ്‌ലോഡ് ചെയ്യണം, തുടർന്ന് സബ്‌മിറ്റ് ബട്ടണിൽ ക്ലിക്ക് ചെയ്യുക.
8.ഇതിന് ശേഷം നിങ്ങളുടെ ആധാർ അപ്ഡേറ്റ് അഭ്യർത്ഥന സ്വീകരിക്കപ്പെടും, പകരം നിങ്ങൾക്ക് 14 അക്ക അപ്ഡേറ്റ് അഭ്യർത്ഥന നമ്പർ (URN) ലഭിക്കും.