കോഴിക്കോട്: (www.kvartha.com) കരിപ്പൂര്‍ വിമാനത്താവളത്തില്‍ വന്‍ ലഹരിമരുന്ന് വേട്ട. യുപി മുസഫർനഗർ സ്വദേശി രാജീവ് കുമാറിൽ നിന്നാണ് ലഹരിമരുന്ന് പിടികൂടിയത്. 44 കോടിയുടെ കൊക്കെയ്ന്‍, ഹെറോയിന്‍ എന്നിവയാണ് ഇയാളിൽ നിന്നും പിടികൂടിയത്. ചൊവ്വാഴ്‌ച രാവിലെയാണ് ഷാർജയിൽനിന്ന് എയർ അറേബ്യയില്‍ രാജീവ് കുമാർ കരിപ്പുർ വിമാനത്താവളത്തിൽ എത്തിയത്.
തുടർന്ന് ഡിആര്‍ഐ നടത്തിയ പരിശോധനയിൽ ഇയാളിൽ നിന്നും ലഹരി മരുന്ന് പിടികൂടുകയായിരിക്കുന്നു. ഇയാളെ പിന്നീട് അറസ്റ്റ് ചെയ്‌ത്‌ കസ്റ്റഡിയിലെടുത്തു. മൂന്നര കിലോ കൊക്കെയ്ൻ, 1296 ഗ്രാം ഹെറോയിന്‍ എന്നിവയാണ് രാജീവിൽ നിന്ന് പിടികൂടിയതെന്ന് ഡിആര്‍ഐ അറിയിച്ചു.
Keywords: DRI, Caught, 44 crore, Worth, Drugs, Uttar Pradesh, Native, Calicut, Karipur, International Airport, News, Malayalam news.