Follow KVARTHA on Google news Follow Us!
ad

Murder Investigation | കൊളച്ചേരിപറമ്പ് കൊലപാതക കേസ്; പ്രതിയായ എസ്ഐയെ ചോദ്യം ചെയ്യുന്നതിനായി കസ്റ്റഡിയില്‍ വാങ്ങാന്‍ പൊലീസ് കോടതിയില്‍ അപേക്ഷ നല്‍കി

അന്വേഷണം വളപട്ടണം പൊലീസിന് കൈമാറി Kolachery Paramba, Murder Case, Police, Applied, Court, Accused, Custody
മയ്യില്‍: (www.kvartha.com) കൊളച്ചേരിപറമ്പില്‍ വീട്ടില്‍ നിന്നും മദ്യപിക്കുന്നതിനിടെയുണ്ടായ തര്‍ക്കത്തില്‍ സുഹൃത്തിനെ അടിച്ചുകൊന്നെന്ന കേസില്‍ എസ് ഐയെ ചോദ്യം ചെയ്യുന്നതിനായി കസ്റ്റഡിയില്‍ വാങ്ങാന്‍ പൊലീസ് അപേക്ഷ നല്‍കി. പ്രതിയായ ഗ്രേഡ് എസ് ഐ മയ്യില്‍ പൊലീസ് സ്റ്റേഷനില്‍ ജോലി ചെയ്യുന്നതിനാല്‍ കേസിന്റെ അന്വേഷണം വളപട്ടണം പൊലീസിന് കൈമാറിയിട്ടുണ്ട്. ഓണത്തിന് ശേഷം ഇയാളെ കസ്റ്റഡിയില്‍ ലഭിക്കാനാണ് സാധ്യതയെന്ന് ഉന്നത പൊലീസ് ഉദ്യോഗസ്ഥന്‍ പറഞ്ഞു.

പൊലീസ് പറയുന്നത്: കൊളച്ചേരിപറമ്പിലെ കൊമ്പന്‍ സജീവനെ കൊലപ്പെടുത്തിയ കേസില്‍ മയ്യില്‍ പൊലീസ് സ്റ്റേഷനിലെ ഗ്രേഡ് എസ് ഐ കൊളച്ചേരി പറമ്പിലെ എ ദിനേശനെയാണ് കഴിഞ്ഞ ദിവസം അറസ്റ്റ് ചെയ്തത്. കോടതി ഇയാളെ റിമാന്‍ഡ് ചെയ്തിരുന്നു. 

ഓഗസ്റ്റ് 23-ന് വൈകുന്നേരം അഞ്ചുമണിയേടെയാണ് സജീവനെ (55) ദിനേശന്റെ വീട്ടില്‍ മരിച്ച നിലയില്‍ കണ്ടെത്തിയത്. പൊലീസെത്തിയാണ് മൃതദേഹം ആശുപത്രിയിലേക്ക് മാറ്റിയത്. ദേഹമാകെ പരുക്കേറ്റ നിലയിലായിരുന്നു. തലയ്ക്കും ആഴത്തിലുളള മുറിവുകളുണ്ടായിരുന്നു. അന്ന് രാത്രി തന്നെ ദിനേശനെ കസ്റ്റഡിയിലെടുത്തിരുന്നു. 

കണ്ണൂര്‍ സിറ്റി എ സി പി ടി കെ രത്നകുമാറിന്റെയും മയ്യില്‍ ഇന്‍സ്പെക്ടര്‍ ടി പി സുമേഷിന്റെയും നേതൃത്വത്തില്‍ വിശദമായ ചോദ്യം ചെയ്യലിലാണ് പ്രതി കുറ്റം സമ്മതിച്ചത്. കൂടുതല്‍ വിവരങ്ങള്‍ ചോദിച്ചറിയാനാണ് കസ്റ്റഡിയില്‍ വാങ്ങുന്നതെന്ന് പൊലീസ് പറഞ്ഞു.

News, Kerala, Kerala-News, Crime, Crime-News, Kolachery Paramba, Murder Case, Police, Applied, Court, Accused, Custody, Kolachery Paramba murder case; Police applied to the court to take accused into custody for questioning.


Keywords: News, Kerala, Kerala-News, Crime, Crime-News, Kolachery Paramba, Murder Case, Police, Applied, Court, Accused, Custody, Kolachery Paramba murder case; Police applied to the court to take accused into custody for questioning.


Post a Comment