Aadhar | സൗജന്യമായി ആധാർ പുതുക്കുന്നതിനുള്ള തീയതി സെപ്റ്റംബർ 30 വരെ നീട്ടി; എങ്ങനെ ചെയ്യാമെന്ന് അറിയാം

ന്യൂഡെൽഹി: (www.kvartha.com) എല്ലാ ആധാർ കാർഡ് ഉടമകളും 10 വർഷം കൂടുമ്പോൾ തങ്ങളുടെ ആധാർ പുതുക്കണണമെന്ന് യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (UIDAI) യുടെ നിർദേശമുണ്ട്.
ഇതിന് വേണ്ടി സൗജന്യമായി ആധാർ അപ്ഡേറ്റ് ചെയ്യാനുള്ള സൗകര്യവും യുഐഡിഎഐ ഒരുക്കിയിട്ടുണ്ട്. 

ഇപ്പോൾ സൗജന്യമായി ആധാർ പുതുക്കാനുള്ള സൗകര്യം സെപ്റ്റംബർ 30 വരെ യുഐഡിഎഐ നീട്ടിയിട്ടുണ്ട്. ജൂൺ 30 വരെയായിരുന്നു മുൻപ് നിശ്ചയിച്ചിരുന്ന കാലാവധി. എന്നാൽ ഈ സൗജന്യ സേവനം മൈ ആധാർ പോർട്ടലിൽ മാത്രമാണ്. അക്ഷയ കേന്ദ്രങ്ങളിൽ ഈ സേവനത്തിന് 50 രൂപ ഈടാക്കും.

സൗജന്യ സേവനം എങ്ങനെ ഉപയോഗിക്കാം

* https://myaadhaar(dot)uidi(dot)gov(dot)in/portal എന്ന സൈറ്റിൽ ലോഗ് ഇൻ ചെയ്ത്  സൗജന്യ സേവനം ഉപയോഗിക്കാം. രജിസ്റ്റർ ചെയ്ത മൊബൈൽ നമ്പറിലേക്ക് ഒടിപി ലഭിക്കും. അതിന് ശേഷം ഡോക്യുമെന്റ് അപ്ഡേറ്റ് എന്ന ഓപ്ഷൻ തിരഞ്ഞെടുത്താൽ ആധാർ വിവരങ്ങൾ പരിശോധിക്കാനും പുതിയ വിവരങ്ങൾ ചേർക്കാനും കഴിയും.

* ഈ സൗകര്യം ലഭിക്കുന്നതിന് വേണ്ട ഔദ്യോഗിക വെബ്സൈറ്റിൽ തിരിച്ചറിയൽ രേഖയും വിലാസവും സമർപ്പിക്കണം.

Keywords: Aadhar, Update, Free, UIDAI, My Aadhar, Extended, Govt, Portal, Documents, Akshaya, Free Aadhaar renewal extended till September 30; How to Renew Aadhaar Free.