Follow KVARTHA on Google news Follow Us!
ad

X Logo | 'എക്‌സ്' എന്നതിലേക്കുള്ള ട്വിറ്ററിന്റെ പേര് മാറ്റം ഇലോൺ മസ്‌കിന് പാരയാകുമോ? ഒരു അക്ഷരത്തിന്റെ പേരിൽ നിയമയുദ്ധം എപ്പോൾ വേണമെങ്കിലും പൊട്ടിപ്പുറപ്പെടാം! മെറ്റാ, മൈക്രോസോഫ്റ്റ് തുടങ്ങിയ നിരവധി കമ്പനികൾക്കെതിരെ പോരാടേണ്ടി വന്നേക്കാം

കേസ് നൽകാൻ നൂറ് ശതമാനം സാധ്യത ഉണ്ടെന്ന് നിയമ വിദഗ്ധർ X, Meta, Microsoft, Trademark, Twitter, Elon Musk,Technology, Malayalam News
വാഷിംഗ്ടൺ: (www.kvartha.com) ട്വിറ്ററിനെ എക്‌സ് (X) എന്ന് പുനർനാമകരണം ചെയ്യാനുള്ള കോടീശ്വരൻ ഇലോൺ മസ്‌കിന്റെ തീരുമാനം നിയമപരമായി സങ്കീർണമായേക്കാമെന്ന് റിപ്പോർട്ടുകൾ. ടെക് ലോകത്തെ മറ്റ് ഭീമന്മാരായ മെറ്റയും മൈക്രോസോഫ്റ്റും ഉൾപ്പെടെ നൂറുകണക്കിന് കമ്പനികൾക്ക് ഇതേ അക്ഷരത്തിൽ നിയമപരമായ അവകാശമുള്ളതാണ് കാരണം.

News, World, Washington, X, Meta, Microsoft, Trademark, Twitter, Elon Musk,Technology,  The problem with X? Meta, Microsoft, hundreds more own trademarks to new Twitter name.

എക്‌സ് വളരെ വ്യാപകമായി ഉപയോഗിക്കപ്പെടുകയും വ്യാപാരമുദ്രകളിൽ ഇടം നേടുകയും ചെയ്തിട്ടുണ്ട്. അക്ഷരത്തിന്റെ പേരിൽ ഒരു നിയമയുദ്ധം എപ്പോൾ വേണമെങ്കിലും പൊട്ടിപ്പുറപ്പെടാം, അത് സ്വന്തമാക്കാൻ നിരവധി അവകാശികൾ ഉണ്ടാകും. അത്തരമൊരു സാഹചര്യത്തിൽ, മുമ്പ് ട്വിറ്റർ എന്നറിയപ്പെട്ടിരുന്ന കമ്പനി അതിന്റെ എക്സ് ബ്രാൻഡിനെ പ്രതിരോധിക്കാൻ ഭാവിയിൽ നിരവധി വെല്ലുവിളികൾ നേരിട്ടേക്കാം.

'ട്വിറ്ററിനെതിരെ ആരെങ്കിലും കേസ് നൽകാൻ 100% സാധ്യതയുണ്ട്. ഇതിനകം എക്‌സ് വ്യാപകമായി ഉപയോഗിക്കുന്ന 900 സജീവ അമേരിക്കൻ വ്യാപാരമുദ്ര രജിസ്ട്രേഷനുകൾ താൻ കണ്ടെത്തിയിട്ടുണ്ട്', ട്രേഡ്മാർക്ക് നിയമ വിദഗ്ധനായ ജോഷ് ഗെർബെൻ പറഞ്ഞു. ട്രേഡ്‌മാർക്കിന്റെ ഉടമയ്ക്ക് 'എക്‌സ്' ഉപയോഗത്തിന് എതിരെ വേണമെങ്കിൽ കേസ് ഫയൽ ചെയ്യാം. ബ്രാൻഡ് നാമം, ലോഗോ, മുദ്രാവാക്യം തുടങ്ങിയ കാര്യങ്ങൾ സംരക്ഷിക്കപ്പെട്ടവരാണ് വ്യാപാരമുദ്രകളുടെ ഉടമകൾ. ഒരു ലംഘനം കണ്ടെത്തിയാൽ, ലംഘനം നടത്തിയയാൾ നഷ്ടപരിഹാരം നൽകണം, ഇത് പിഴ ചുമത്തുന്നതിനും കൂടുതൽ ഉപയോഗം നിരോധിക്കുന്നതിനും ഇടയാക്കും.

2003 മുതൽ മൈക്രോസോഫ്റ്റ് തങ്ങളുടെ എക്സ്ബോക്സ് വീഡിയോ-ഗെയിമിന്റെ ഭാഗമായി എക്സ് വ്യാപാരമുദ്ര സ്വന്തമാക്കിയിട്ടുണ്ട്. മെറ്റയും 2019-ൽ നീലയും വെള്ളയും കലർന്ന 'എക്‌സ്' എന്ന വ്യാപാരമുദ്ര രജിസ്റ്റർ ചെയ്‌തിട്ടുണ്ട്. ഫേസ്ബുക്ക് 'മെറ്റാ' എന്ന് പേര് മാറ്റിയപ്പോൾ, വ്യാപാര മുദ്രയുമായി ബന്ധപ്പെട്ട നിയമ നടപടികൾ നേരിടേണ്ടി വന്നു. നിക്ഷേപ സ്ഥാപനമായ മെറ്റാക്യാപിറ്റലും വെർച്വൽ റിയാലിറ്റി കമ്പനിയായ മെറ്റാക്സും കഴിഞ്ഞ വർഷം ഫയൽ ചെയ്ത ട്രേഡ്‌മാർക്ക് കേസുകൾ മെറ്റ നേരിടുന്നുണ്ട്.

മസ്‌കിന്റെ എക്‌സ്‌ ഭ്രമം

തിങ്കളാഴ്ച മസ്‌ക് ട്വിറ്ററിന്റെ പേര് എക്‌സ് എന്നാക്കി മാറ്റുകയും സോഷ്യൽ മീഡിയ പ്ലാറ്റ്‌ഫോമിനായി പുതിയ ലോഗോ അനാച്ഛാദനം ചെയ്യുകയും ചെയ്തു. കറുത്തപശ്ചാത്തലത്തിൽ വെളുപ്പുനിറമുള്ള ‘എക്സ്’ അക്ഷരമാണ് ലോഗോയിലുള്ളത്. പണമിടപാട്, ബാങ്കിങ്, വാണിജ്യം തുടങ്ങിയ മേഖലകളിലേക്ക് കമ്പനി വ്യാപിപ്പിക്കുമെന്നും വ്യക്തമാക്കിയിട്ടുണ്ട്.

എക്സിനോടുള്ള മസ്കിന്റെ ഇഷ്ടമാണ് ട്വിറ്ററിന്റെ റീബ്രാൻഡിങിന് കാരണമെന്നാണ് പറയുന്നത്. പുതുതായി തുടങ്ങുന്ന നിർമിതബുദ്ധി കമ്പനിക്ക് എക്സ് എഐ എന്നാണു പേര്. ബഹിരാകാശമേഖലയിലുള്ള കമ്പനിയുടെ പേര് നേരത്തേത്തന്നെ സ്പെയ്സ് എക്സ് എന്നാണ്. 2022 ഒക്ടോബറിലാണ് 4400 കോടി ഡോളർ മുടക്കി മസ്ക് ട്വിറ്റർ വാങ്ങിയത്. കമ്പനിയുടെ പേര് എക്സ് കോർപ്പ് എന്നും മാതൃകമ്പനിയുടേത് എക്സ് ഹോൾഡിങ്സ് കോർപ്പറേഷനെന്നും മാറ്റിയിട്ടുണ്ട്.

Keywords: News, World, Washington, X, Meta, Microsoft, Trademark, Twitter, Elon Musk,Technology,  The problem with X? Meta, Microsoft, hundreds more own trademarks to new Twitter name.
< !- START disable copy paste -->

Post a Comment