ആറളം ഫാം സൈറ്റ് മാനേജര്‍ കണ്‍വീനറായും, വൈല്‍ഡ് ലൈഫ് വാര്‍ഡന്‍, പൊതുമരാമത്ത് വകുപ്പ് കെട്ടിട വിഭാഗം എക്സിക്യൂടിവ് എന്‍ജിനീയര്‍ എന്നിവരടങ്ങുന്നതാണ് സമിതി. പ്രവൃത്തി തുടങ്ങുന്നതിനാവാശ്യമായ അടിസ്ഥാന പ്രവര്‍ത്തനങ്ങളെല്ലാം ഈ മാസം 24 നകം പൂര്‍ത്തിയാക്കാന്‍ മന്ത്രി നിര്‍ദേശിച്ചു.
സര്‍വേ നടപടികള്‍ വേഗത്തിലാക്കി കൃത്യമായ അതിര്‍ത്തി നിശ്ചയിക്കാനുളള പ്രവര്‍ത്തനങ്ങള്‍ക്ക് കണ്ണൂര്‍ എഡിഎമി നെ ചുമതലപ്പെടുത്തി. ജോയിന്റ് ഇന്‍സ്പെക്ഷന്‍ നടത്തി സര്‍വേ നടപടികള്‍ വേഗത്തില്‍ പൂര്‍ത്തിയാക്കും.
ഡിജിറ്റല്‍ സര്‍വെ സാധ്യതകള്‍ ഉള്‍പെടെ ഇതിനായി ഉപയോഗപ്പെടുത്തും. ആനമതില്‍ നിര്‍മിക്കേണ്ട മേഖലകളിലുള്ള മരങ്ങള്‍ മുറിക്കുന്നത് ഉള്‍പെടെ ഉള്ളവ പൂര്‍ത്തിയാക്കാന്‍ ആറളം ഫാം അധികൃതരെ ചുമതലപ്പെടുത്തി. പ്രവൃത്തി തുടങ്ങാനാവശ്യമായ ക്രമീകരണങ്ങള്‍ നടത്താന്‍ കരാറുകാരനും നിര്‍ദേശം നല്‍കി.
Keywords: Special committee formed for elephant wall construction work at Aralam Farm, Kannur, News, Special Committee, Aralam Farm, Minister Muhammed Riyas, Meeting, Survey, Elephant Wall Construction, Kerala.