Follow KVARTHA on Google news Follow Us!
ad

Rule Changes | ഓഗസ്റ്റ് 1 മുതൽ സാമ്പത്തിക മേഖലയിൽ ഈ നിയമങ്ങൾ മാറും; വിശദാംശങ്ങൾ അറിയാം

ഇവയിൽ പോക്കറ്റിൽ നേരിട്ട് സ്വാധീനം ചെലുത്തുന്നവയുമുണ്ട് Rule Changes, Finance, LPG Price, ദേശീയ വാർത്തകൾ
ന്യൂഡെൽഹി: (www.kvartha.com) എല്ലാ മാസവും ഒന്നാം തീയതി രാജ്യത്ത് പല നിയമങ്ങളും മാറുന്നു. വരും മാസങ്ങളിലും പല നിയമങ്ങളിലും മാറ്റങ്ങളുണ്ടാകും. ഓഗസ്റ്റ് ഒന്ന് മുതൽ രാജ്യത്ത് സാമ്പത്തികമായ ഏതൊക്കെ നിയമങ്ങളാണ് മാറുന്നതെന്ന് പരിശോധിക്കാം. ഇവയിൽ നിങ്ങളുടെ പോക്കറ്റിൽ നേരിട്ട് സ്വാധീനം ചെലുത്തുന്നവയുമുണ്ട്.

News, New Delhi, National, Rule Changes, Finance, LPG Price, Business, SBI, GST, Bank,  Rule changes from August 1; Check details.

എൽപിജി വിലയിൽ മാറ്റം വരുത്താം

എൽപിജിയുടെ വില എല്ലാ മാസത്തിന്റെയും തുടക്കത്തിൽ സർക്കാർ നിശ്ചയിക്കും. സർക്കാർ എണ്ണക്കമ്പനികൾക്ക് എൽപിജി സിലിണ്ടറുകളുടെയും വാണിജ്യ സിലിണ്ടറുകളുടെയും വിലയിൽ മാറ്റം വരുത്താം. ഈ കമ്പനികൾ എല്ലാ മാസവും ഒന്ന്, 16 തീയതികളിൽ എൽപിജിയുടെ വില മാറ്റുന്നു. എൽപിജി സിലിണ്ടറിന്റെ വിലയ്‌ക്കൊപ്പം, പിഎൻജി, സിഎൻജി നിരക്കുകളും മാറിയേക്കാം.

ഐടിആറിന് പിഴ അടയ്‌ക്കേണ്ടി വരും

2022-23 സാമ്പത്തിക വർഷത്തേക്കുള്ള ആദായനികുതി റിട്ടേൺ ഫയൽ ചെയ്യുന്നതിനുള്ള അവസാന തീയതി ജൂലൈ 31 ആണ്. ഈ തീയതിക്കകം നിങ്ങൾ റിട്ടേൺ ഫയൽ ചെയ്യണം. ഇതുവരെ ഏഴ് കോടിയിലധികം നികുതിദായകർ റിട്ടേൺ സമർപ്പിച്ചു. ഈ തീയതിക്കുള്ളിൽ ഐടിആർ ഫയൽ ചെയ്തില്ലെങ്കിൽ, പിഴ അടയ്‌ക്കേണ്ടി വന്നേക്കാം. ഐടിആർ ഫയൽ ചെയ്യാൻ വൈകിയാൽ 1000 രൂപയോ 5000 രൂപയോ പിഴ ഈടാക്കാം.

ജി എസ് ടി

അഞ്ച് കോടി രൂപയിൽ കൂടുതൽ വിറ്റുവരവുള്ള ബിസിനസുകൾ ഓഗസ്റ്റ് ഒന്ന് മുതൽ ഇലക്ട്രോണിക് ഇൻവോയ്‌സുകൾ നൽകണം.

എസ്ബിഐ അമൃത് കലാഷ്

എസ്ബിഐയുടെ പ്രത്യേക എഫ്ഡി പദ്ധതിയായ അമൃത് കലാഷിൽ നിക്ഷേപിക്കാനുള്ള അവസാന സമയം ഓഗസ്റ്റ് 15 ആണ്. ഇത് 400 ദിവസത്തെ ടേം ഡെപ്പോസിറ്റ് സ്കീമാണ്, ഇതിന്റെ പലിശ നിരക്ക് സാധാരണ ഉപഭോക്താക്കൾക്ക് 7.1 ശതമാനവും മുതിർന്ന പൗരന്മാർക്ക് 7.6 ശതമാനവുമാണ്. ഈ പ്രത്യേക എഫ്ഡിക്ക് കീഴിൽ അകാല പിൻവലിക്കൽ, ലോൺ സൗകര്യം എന്നിവയും ലഭിക്കും.

14 ദിവസം ബാങ്കുകൾ അടഞ്ഞുകിടക്കും

അടുത്ത മാസം നിരവധി ഉത്സവങ്ങൾ വരാനിരിക്കുകയാണ്. ഓണം, സ്വാതന്ത്ര്യദിനം തുടങ്ങി നിരവധി ആഘോഷങ്ങൾ കാരണം വിവിധ സംസ്ഥാനങ്ങളിൽ മൊത്തം 14 ദിവസത്തേക്ക് ബാങ്കുകൾ അടഞ്ഞുകിടക്കും. ഇവയിൽ ശനി, ഞായർ അവധികളുമുണ്ട്. റിസർവ് ബാങ്കിന്റെ ഔദ്യോഗിക വെബ്സൈറ്റ് സന്ദർശിച്ച് നിങ്ങൾക്ക് ബാങ്ക് അവധി ദിവസങ്ങളുടെ ലിസ്റ്റ് പരിശോധിക്കാം. ചില അവധി ദിവസങ്ങള്‍ ചില സംസ്ഥാനങ്ങള്‍ക്കോ പ്രദേശങ്ങള്‍ക്കോ മാത്രമുള്ളതാണ് എന്ന കാര്യം ശ്രദ്ധിക്കുക. ഇക്കാരണങ്ങളാല്‍, കേരളത്തില്‍ ഒമ്പത് ദിവസം ബാങ്കുകള്‍ക്ക് അവധിയായിരിക്കും.

Keywords: News, New Delhi, National, Rule Changes, Finance, LPG Price, Business, SBI, GST, Bank,  Rule changes from August 1; Check details.
< !- START disable copy paste -->

Post a Comment