Accidental Death | മഹാരാഷ്ട്രയില്‍ ബസുകള്‍ കൂട്ടിയിടിച്ച് 2 സ്ത്രീകളടക്കം 6 മരണം; 20 പേര്‍ക്ക് പരുക്ക്
Jul 29, 2023, 16:28 IST
മുംബൈ: (www.kvartha.com) മഹാരാഷ്ട്രയിലെ ബുല്‍ധാന ജില്ലയില്‍ വന്‍ വാഹനാപകടത്തില്‍ ആറ് പേര്‍ക്ക് ദാരുണാന്ത്യം. വില കൂടിയ ട്രാവല്‍ ബസുകള്‍ കൂട്ടിയിടിച്ച് രണ്ട് സ്ത്രീകളടക്കമാണ് ആറ് പേര്‍ മരിച്ചത്. സംഭവത്തില്‍ 20 പേര്‍ക്ക് പരുക്കേറ്റു. ഇതില്‍ അഞ്ച് പേരുടെ നില ഗുരുതരമാണെന്നാണ് വിവരം.
ശനിയാഴ്ച (29.07.2023) പുലര്‍ചെ 2.30 ഓടെ ബുല്‍ധാനയിലെ എന്‍എച്ആറിലാണ് അപകടം. നാസികിലേക്ക് പോവുകയായിരുന്ന ബസ് അമര്‍നാഥ് തീര്‍ഥാടകരുമായി ഹിംഗോളിയിലേക്ക് പോവുകയായിരുന്ന ബസുമായി മല്‍കാപൂര്‍ പട്ടണത്തിലെ മേല്‍പാലത്തില്‍വെച്ച് കൂട്ടിയിടിച്ചാണ് അപകടമുണ്ടായത്. ട്രകിനെ മറികടക്കാന്‍ ശ്രമിക്കുന്നതിനിടെ നാസികിലേക്ക് പോവുകയായിരുന്ന ബസ് എതിരെ വന്ന ബസുമായി കൂട്ടിയിടിക്കുകയായിരുന്നു.
വിവരമറിഞ്ഞ് പൊലീസും അധികൃതരും സ്ഥലത്തെത്തി പരുക്കേറ്റവരെ ബുല്‍ധാനയിലെ ആശുപത്രിയില്‍ പ്രവേശിപ്പിച്ചു. നിസാര പരുക്കുകളോടെ 32 യാത്രക്കാര്‍ക്ക് അടുത്തുള്ള ഗുരുദ്വാരയില്‍ പ്രഥമശുശ്രൂഷ നല്‍കി. അപകടത്തെ തുടര്‍ന്ന് ഇതുവഴിയുള്ള ഗതാഗതം തടസ്സപ്പെട്ടു.
Keywords: News, National, National-News, Accident-News, Maharashtra, Death, Injured, Bus, Collide, Maharashtra: 6 Died, 20 injured as two buses collide.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
