എന്നാല്‍ ഹേബിയസ് കോര്‍പസ് ഹര്‍ജി നിലനില്‍ക്കുമെന്ന് രണ്ടു ജഡ്ജിമാരും വ്യക്തമാക്കി. ഇതോടെ, ഹര്‍ജിയിലെ തുടര്‍നടപടികള്‍ ചീഫ് ജസ്റ്റിസ് സഞ്ജയ് വിജയകുമാര്‍ ഗഗന്‍പുര്‍വാല തീരുമാനിക്കും. രണ്ടംഗ ബെഞ്ചിലേക്ക് ഒരു ജഡ്ജിയെക്കൂടി നിയോഗിക്കാനാണ് നീക്കം. തുടര്‍ന്നു വീണ്ടും വാദം കേള്‍ക്കും. ഭൂരിപക്ഷ അഭിപ്രായം കണക്കിലെടുത്ത് അന്തിമവിധി പ്രഖ്യാപിക്കും.
ഇക്കഴിഞ്ഞ ജൂണ്‍ 14ന് അഴിമതി ആരോപണത്തെ തുടര്‍ന്ന് ഇഡി അറസ്റ്റു ചെയ്ത സെന്തില്‍, നെഞ്ചുവേദനയെ തുടര്‍ന്ന് ആശുപത്രിയില്‍ ചികിത്സയില്‍ കഴിയുകയാണ്. നിലവില്‍ ബൈപാസ് ശസ്ത്രക്രിയയ്ക്കു ശേഷം സ്വകാര്യ ആശുപത്രിയില്‍ 12 വരെ ജുഡീഷ്യല്‍ കസ്റ്റഡിയില്‍ തുടരുന്നു.
നേരത്തെ ജയലളിത സര്‍കാരിന്റെ ഭരണകാലത്ത് മന്ത്രിയായിരുന്ന സെന്തില്‍ തൊഴില്‍ നല്‍കാമെന്ന് പറഞ്ഞ് പണം വാങ്ങിയെന്നാണ് ഇഡിയുടെ കണ്ടെത്തല്‍. സുപ്രീംകോടതി ഉത്തരവിനെ തുടര്‍ന്നാണ് ഇഡി പരിശോധന നടത്തിയത്. സെന്തിലിന്റെ സഹോദരന്റെ വീട്ടിലും ഓഫീസിലും എല്ലാം പരിശോധന നടന്നു.
സെന്തില്‍ ബാലാജിയെ മന്ത്രിസഭയില്‍നിന്നു നീക്കിയ ഉത്തരവ് നിയമോപദേശം തേടാനെന്ന പേരില്‍ ഗവര്‍ണര്‍ ആര്‍ എന്‍ രവി മണിക്കൂറുകള്‍ക്കുള്ളില്‍ പിന്‍വലിച്ചതും വിവാദമായിരുന്നു. പിന്നാലെ മന്ത്രിസഭയുടെ പൂര്‍ണ അധികാരം തനിക്കാണെന്നും സെന്തില്‍ വകുപ്പില്ലാ മന്ത്രിയായി തുടരുമെന്നും വ്യക്തമാക്കുന്ന കത്ത് മുഖ്യമന്ത്രി എംകെ സ്റ്റാലിന്‍ ഗവര്‍ണര്‍ക്ക് കൈമാറി.
Keywords: Madras High Court delivers split verdict in Senthil Balaji case, Chennai, News, Politics, Enforcement Directors, Madras High Court, Senthil Balaji Case, Habeas Corpus Plea, Chief Justice, National.