Died | ഇടുക്കിയില്‍ കഴുത്തില്‍ വെട്ടേറ്റ് ഗുരുതരാവസ്ഥയില്‍ ചികിത്സയിലായിരുന്ന വയോധികന്‍ മരിച്ചു
Jul 31, 2023, 09:11 IST
ഇടുക്കി: (www.kvartha.com) അടിമാലിയില്‍ സഹോദര പുത്രന്റെ വെട്ടേറ്റ് ചികിത്സയിലായിരുന്ന വയോധികന്‍ മരിച്ചു. പനംകുട്ടി ഇഞ്ചത്തൊട്ടി മേലേപ്പറമ്പില്‍ മാത്യു ഔസേഫ് ആണ് മരിച്ചത്. കഴുത്തില്‍ വെട്ടേറ്റത്തിനെ തുടര്‍ന്ന് ഗുരുതരമായ പരുക്കുകളുമായി കോട്ടയം മെഡികല്‍ കോളജ് ആശുപത്രിയില്‍ ചികിത്സയിലിരിക്കെയാണ് മരണം.
തന്റെ തോട്ടത്തില്‍ നിന്ന് ജാതിക്ക മോഷ്ടിച്ചുവെന്ന് ആരോപിച്ച് മാത്യു ഔസേഫ് പൊലീസില്‍ പരാതിപ്പെട്ടതാണ് കൊലപാതകത്തിന് കാരണമെന്ന് പൊലീസ് പറഞ്ഞു. വെള്ളിയാഴ്ച പരാതി നല്‍കി വീട്ടിലെത്തിയ മാത്യുവിന് വൈകുന്നേരം വെട്ടേല്‍ക്കുകയായിരുന്നു.
മാത്യുവിന്റെ സഹോദര പുത്രന്‍ മലയംപറമ്പില്‍ ഷൈജു ആണ് പ്രതി. ഇയാളെ സംഭവദിവസം തന്നെ വെള്ളത്തൂവല്‍ പൊലീസ് അറസ്റ്റ് ചെയ്തിരുന്നു. അടിമാലി കോടതിയില്‍ ഹാജരാക്കിയ പ്രതി റിമാന്‍ഡിലാണ്.
Keywords: News, Kerala, Kerala-News, Local-News, Regional-News, Idukki, Injured, Elderly Man, Died, Attacked, Idukki: Elderly man dies after being attacked.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
