Passport | ഇന്ത്യക്കാർക്ക് 57 രാജ്യങ്ങളിലേക്ക് വിസയില്ലാതെ യാത്ര ചെയ്യാം; പാസ്പോർട്ട് റാങ്കിങിൽ മുന്നേറ്റം; എവിടെയൊക്കെ സന്ദർശിക്കാമെന്നറിയാം

ന്യൂഡെൽഹി: (www.kvartha.com) ഇന്ത്യയുടെ പാസ്‌പോർട്ട് കൂടുതൽ ശക്തമായി. കഴിഞ്ഞ വർഷത്തെ അപേക്ഷിച്ച് അഞ്ച് സ്ഥാനങ്ങൾ ഉയർന്നു. ഇപ്പോൾ രാജ്യത്തെ പൗരന്മാർക്ക് വിസയില്ലാതെ 57 രാജ്യങ്ങളിൽ സ്വതന്ത്രമായി കറങ്ങാം. ചൊവ്വാഴ്ച പുറത്തിറക്കിയ ഹെൻലി പാസ്‌പോർട്ട് സൂചിക റാങ്കിംഗിൽ ഇന്ത്യ 80-ാം സ്ഥാനത്തെത്തി. ഇത് 2022 ൽ പുറത്തിറക്കിയ റിപ്പോർട്ടിനേക്കാൾ അഞ്ച് സ്ഥാനങ്ങൾ കൂടുതലാണ്.

ടോഗോ, സെനഗൽ തുടങ്ങിയ രാജ്യങ്ങളുടെ അതേ നിലവാരത്തിലാണ് ഇന്ത്യയുടെ നിലവിലെ റാങ്കിംഗ്. ഇന്ത്യക്കാർക്ക് 57 രാജ്യങ്ങളിലേക്ക് പൂർണമായും വിസ രഹിതമോ അല്ലെങ്കിൽ വിസ ഓൺ അറൈവൽ വഴിയോ യാത്ര ചെയ്യാം. ചില രാജ്യങ്ങളിൽ എയർപോർട്ടിൽ എത്തിയാലുടൻ വിസ കൈമാറും. എന്നിരുന്നാലും, ചൈന, ജപ്പാൻ, റഷ്യ, അമേരിക്ക, യൂറോപ്യൻ യൂണിയൻ തുടങ്ങിയ ലോകമെമ്പാടുമുള്ള 177 രാജ്യങ്ങളിലേക്ക് പ്രവേശിക്കാൻ ഇന്ത്യൻ പാസ്‌പോർട്ട് ഉടമകൾക്ക് വിസ ആവശ്യമാണ്.

ആരാണ് ഒന്നാം സ്ഥാനത്ത്?

ഇത്തവണ പുറത്തിറക്കിയ സൂചികയിൽ വർഷങ്ങളായി ഒന്നാം സ്ഥാനത്തായിരുന്ന ജപ്പാൻ താഴേക്ക് പോയി. സിംഗപ്പൂർ ഒന്നാം സ്ഥാനത്തെത്തി. ലോകത്തെ 192 രാജ്യങ്ങളിൽ പ്രവേശിക്കാൻ സിംഗപ്പൂരിലെ പൗരന്മാർക്ക് വിസവേണ്ട. ഏഷ്യൻ രാജ്യമായ ജപ്പാന്റെ പാസ്‌പോർട്ട് അഞ്ച് വർഷമായി ലോകത്തിലെ ഏറ്റവും ശക്തമായ പാസ്‌പോർട്ടായി തുടർന്നു. ഇത്തവണ പുറത്തുവിട്ട പട്ടികയിൽ മൂന്നാം സ്ഥാനത്തേക്ക് പിന്തള്ളപ്പെട്ടു. ഒരു ദശാബ്ദം മുമ്പ് വരെ ഈ പട്ടികയിൽ ഒന്നാം സ്ഥാനത്തായിരുന്ന അമേരിക്ക ഇപ്പോൾ എട്ടാം സ്ഥാനത്താണ്. ബ്രെക്‌സിറ്റിനു ശേഷം താഴേക്ക് പോയ യുകെ ഇപ്പോൾ രണ്ട് സ്ഥാനങ്ങൾ കയറി നാലാം സ്ഥാനത്തെത്തി. ഈ പട്ടികയിൽ ഏറ്റവും താഴെയുള്ളത് അഫ്ഗാനിസ്ഥാനാണ്, അവരുടെ പൗരന്മാർക്ക് വിസയില്ലാതെ 27 രാജ്യങ്ങൾ സന്ദർശിക്കാം.

വിസയില്ലാതെ ഇന്ത്യക്കാർക്ക് എവിടെയൊക്കെ സന്ദർശിക്കാം?

ബാർബഡോസ്
ഭൂട്ടാൻ
ബൊളീവിയ
ബ്രിട്ടീഷ് വിർജിൻ ഐലൻഡ്സ്
ബുറുണ്ടി
കംബോഡിയ
കേപ് വെർഡെ ഐലൻഡ്സ്
കൊമോറോ ഐലൻഡ്സ്
ജിബൂട്ടി

ഡൊമിനിക്ക
എൽ സാൽവഡോർ
ഫിജി
ഗാബോൺ
ഗ്രനേഡ
ഗിനിയ-ബിസാവു
ഹെയ്തി

ഇന്തോനേഷ്യ
ഇറാൻ
ജമൈക്ക
ജോർദാൻ
കസാക്കിസ്ഥാൻ
ലാവോസ്
മക്കാവോ

മഡഗാസ്കർ
മാലദ്വീപ്
മാർഷൽ ഐലൻഡ്സ്
മൗറിറ്റാനിയ
മൗറീഷ്യസ്
മൈക്രോനേഷ്യ

മോണ്ട്സെറാറ്റ്
മൊസാംബിക്ക്
മ്യാൻമർ
നേപ്പാൾ
നിയു
ഒമാൻ

പലാവു ഐലൻഡ്സ്
ഖത്തർ
റുവാണ്ട
സമോവ
സെനഗൽ
സീഷെൽസ്
സിയറ ലിയോൺ

സൊമാലിയ
ശ്രീലങ്ക
സെന്റ് കിറ്റ്സ് ആൻഡ് നെവിസ്
സെന്റ് ലൂസിയ
സെന്റ് വിൻസെന്റ്
ടാൻസാനിയ
തായ്‌ലൻഡ്

തിമോർ-ലെസ്റ്റെ
ടോഗോ
ട്രിനിഡാഡ് ആൻഡ് ടൊബാഗോ
ടുണീഷ്യ
തുവാലു
വനവാട്ടു
സിംബാബ്‌വെ.

Passport, Visa Free, Tourism, Visa on Arrival, Passport Ranking, Gulf Countries, Indian Citizen, Henley Passport Index 2023: Indian citizens can travel to 57 countries visa free; Check full list here.