കണ്ണൂര്‍ കോര്‍പറേഷന്‍ മേയര്‍പദവി രണ്ടാം ടേമില്‍ രണ്ടരവര്‍ഷം വിട്ടുനല്‍കണമെന്ന് മുസ്ലിം ലീഗ് നേതൃത്വം രേഖാമൂലം ആവശ്യപ്പെട്ടിരുന്നു. എന്നാല്‍ ഇതു അംഗീകരിക്കാന്‍ കോണ്‍ഗ്രസ് തയാറാകാത്തതിനെ തുടര്‍ന്നാണ് മുന്നണിയിലെ രണ്ടു പ്രബലകക്ഷികള്‍ തമ്മില്‍ പോരുതുടങ്ങിയത്.
കഴിഞ്ഞ തദ്ദേശസ്വയംഭരണ തിരഞ്ഞെടുപ്പിന്റെ വിധി വന്നതിനു ശേഷം ഇക്കാര്യത്തില്‍ ധാരണയായതാണെന്നും ഇതു സംബന്ധിച്ചു ഉന്നത നേതാക്കളുടെ മുന്‍പില്‍വെച്ച് കോണ്‍ഗ്രസ് സമ്മതിച്ചതാണെന്നും മുസ്ലീം ലീഗ് പറയുന്നു. എന്നാല്‍ പദവി കൈമാറേണ്ട സമയമെത്തിയപ്പോള്‍ കോണ്‍ഗ്രസ് മലക്കം മറിയുകയായിരുന്നുവെന്നാണ് ലീഗ് നേതാക്കള്‍ പറയുന്നത്.
എന്നാല്‍ ഇത്തരത്തില്‍ ഒരു ധാരണ നഗരസഭയായിരുന്ന കാലത്തുമാത്രമേയുണ്ടായിരുന്നുളളൂവെന്നും കോര്‍പറേഷനില്‍ അത്തരമൊരു ധാരണയുണ്ടായിട്ടില്ലെന്നാണ് കോണ്‍ഗ്രസ് പറയുന്നത്. മാത്രമല്ല അത്തരമൊരു കീഴ് വഴക്കമുണ്ടെങ്കില്‍ തളിപ്പറമ്പ്, മലപ്പുറം നഗരസഭകളുടെ ചെയര്‍മാന്‍ സ്ഥാനം രണ്ടാംകക്ഷിയായ തങ്ങള്‍ക്ക് കൈമാറാന്‍ മുസ്ലിം ലീഗ് തയാറാകണമെന്നും കോണ്‍ഗ്രസ് നേതാക്കള്‍ ആവശ്യപ്പെടുന്നുണ്ട്.
എന്നാല്‍ ഇത്തരത്തില്‍ ഒരു ധാരണ നഗരസഭയായിരുന്ന കാലത്തുമാത്രമേയുണ്ടായിരുന്നുളളൂവെന്നും കോര്‍പറേഷനില്‍ അത്തരമൊരു ധാരണയുണ്ടായിട്ടില്ലെന്നാണ് കോണ്‍ഗ്രസ് പറയുന്നത്. മാത്രമല്ല അത്തരമൊരു കീഴ് വഴക്കമുണ്ടെങ്കില്‍ തളിപ്പറമ്പ്, മലപ്പുറം നഗരസഭകളുടെ ചെയര്‍മാന്‍ സ്ഥാനം രണ്ടാംകക്ഷിയായ തങ്ങള്‍ക്ക് കൈമാറാന്‍ മുസ്ലിം ലീഗ് തയാറാകണമെന്നും കോണ്‍ഗ്രസ് നേതാക്കള്‍ ആവശ്യപ്പെടുന്നുണ്ട്.
Keywords: Dispute over Kannur Corporation Mayor's post, Kannur, News, Politics, Kannur Corporation Mayor's Post, Dispute, Muslim League, Congress, Kerala.