സർക്കാർ പുറപ്പെടുവിച്ച വിജ്ഞാപനമനുസരിച്ച്, ജിഎസ്ടി നെറ്റ്‌വർക്കിന്റെ ഡാറ്റയെക്കുറിച്ചുള്ള മുഴുവൻ വിവരങ്ങളും ഇഡിക്ക് നൽകും. തീവ്രവാദ ഫണ്ടിംഗ്, മയക്കുമരുന്ന് കടത്ത് എന്നിവ കൈകാര്യം ചെയ്യാനാണ് പിഎംഎൽഎ കൊണ്ടുവന്നത്. ജിഎസ്ടിഎനിന് കീഴിൽ നിരവധി തന്ത്രപ്രധാനമായ വിവരങ്ങൾ ഉണ്ടെന്നും ഇത് അന്വേഷണത്തെ സഹായിക്കുമെന്നും മണികൺട്രോൾ റിപ്പോർട്ട് ചെയ്തു.
എന്താണ് പിഎംഎൽഎ?
കള്ളപ്പണം വെളുപ്പിക്കൽ തടയുന്നതിനും ഉൾപ്പെട്ട സ്വത്തുക്കൾ കണ്ടുകെട്ടുന്നതിനും വേണ്ടിയാണ് കള്ളപ്പണം വെളുപ്പിക്കൽ നിരോധന നിയമം തയ്യാറാക്കിയത്. ഇത് പ്രകാരം അനധികൃതമായി സമ്പാദിച്ച സ്വത്തുക്കൾ കണ്ടുകെട്ടാൻ സർക്കാരിന് അവകാശമുണ്ട്. 2002-ലാണ് ഈ നിയമം പാസാക്കിയത്. 2005 ജൂലൈ ഒന്നിന് നടപ്പാക്കി.
ജി എസ് ടി നിലവിൽ വന്നിട്ട് ആറ് വർഷമായി. ഇക്കാലയളവിൽ നികുതിദായകരുടെ എണ്ണം 2017നെ അപേക്ഷിച്ച് ഇരട്ടിയായി വർധിച്ചു, ഇപ്പോൾ ഏകദേശം 1.4 കോടി നികുതിദായകരുണ്ട്. 2017-18ൽ പ്രതിമാസ ശരാശരി വരുമാനം ഏകദേശം 90,000 കോടി രൂപയിൽ നിന്ന് 1.69 ലക്ഷം കോടി രൂപയായി ഉയർന്നു.
GST, ED, PMLA, Finance, Central, Govt, Tax, GSTN, Attach, Cheat on GST? Face ED now.