മുന്‍പിലും പിറകിലും സിസിടിവി കാമറകളുള്ള കഫെയുടെ പിറക് വശത്തെ കാമറ ദിശ തെറ്റിച്ചാണ് മോഷ്ടാവ് അകത്തുകയറിയത്. പിറകിലെ വാതിലിന്റെ പൂട്ട് തകര്‍ത്ത് അടുക്കളയിലെത്തിയ മോഷ്ടാവ് ഇവിടെ നിന്ന് ഡൈനിംഗ് ഹാളിലേക്ക് ഭക്ഷണം എടുത്ത് നല്‍കുന്ന ജനല്‍ വിടവിലൂടെ കടന്നാണ് കാഷ് കൗണ്ടറിന്റെ പൂട്ട് തകര്‍ത്ത് വലിപ്പില്‍ നിന്നും 20,000 രൂപ അടിച്ചെടുത്തത്.
കഫെയുടെ മുകള്‍ മുറിയില്‍ പാചകക്കാരും സപ്ലൈയര്‍മാരും ഉള്‍പെടെ ഇതര സംസ്ഥാന തൊഴിലാളികള്‍ അടക്കം പത്തോളം പേര്‍ ഉറങ്ങുന്നുണ്ടായിരുന്നു. താഴത്തെ ഭാഗത്ത് നിന്നും ചില ശബ്ദങ്ങള്‍ ഇവര്‍ കേട്ടിരുന്നെങ്കിലും പൂച്ചയോ മറ്റോ ആയിരിക്കുമെന്ന നിഗമനത്തില്‍ ഇറങ്ങി ചെന്ന് പരിശോധിച്ചില്ലെന്നാണ് പറയുന്നത്. ശനിയാഴ്ച രാവിലെയാണ് കള്ളന്‍ കയറിയ വിവരം അറിയുന്നത്. തുടര്‍ന്ന് ഉടമ ശാജി ഇതുസംബന്ധിച്ച് പൊലീസില്‍ പരാതി നല്‍കുകയായിരുന്നു. പൊലീസ് അന്വേഷണം ആരംഭിച്ചു
Keywords: Thalassery: Theft in Cafe of hotel association leader, Kannur, News, Theft, Cafe, Complaint, Police, CCTV, Investigation, Employees, Kerala.