ഇപ്പോഴിതാ തങ്ങളുടെ ഔദ്യോഗിക അക്കൗണ്ടിൽ ധോണിയുടെ വീഡിയോ പോസ്റ്റ് ചെയ്തിരിക്കുകയാണ് ചെന്നൈ. 33 സെക്കൻഡ് ദൈർഘ്യമുള്ള ഈ വൈകാരിക വീഡിയോയ്ക്ക് ശേഷം ധോണിയുടെ വിരമിക്കൽ വീണ്ടും ചർച്ചയായിരിക്കുകയാണ്. 'ഓ ക്യാപ്റ്റൻ, മൈ ക്യാപ്റ്റൻ' എന്ന അടിക്കുറിപ്പോടെയാണ് ഫ്രാഞ്ചൈസി എംഎസ് ധോണിക്ക് അനുമോദനം അർപ്പിച്ചത്. വീഡിയോയിൽ, ഈ സീസണിലെ ധോണിയുടെ പ്രത്യേക നിമിഷങ്ങൾ കാണിച്ചിരിക്കുന്നു. നിമിഷനേരം കൊണ്ടാണ് വീഡിയോ വൈറലായത്. അതിന് ശേഷം ധോണി വിരമിക്കുന്നോ എന്ന ആശങ്കയും ആരാധകർക്കിടയിൽ പടരാൻ തുടങ്ങി. സോഷ്യൽ മീഡിയയിലും ഇതേ ചർച്ചയാണ് നടക്കുന്നത്. എന്നാൽ ക്യാപ്റ്റൻ സ്ഥാനത്ത് നിന്ന് പടിയിറങ്ങുന്നതിന്റെ സൂചനയാണെന്നും ചിലർ അഭിപ്രായപ്പെട്ടു.
Oh Captain, My Captain! 🥹#WhistlePodu #Yellove 🦁💛 @msdhoni pic.twitter.com/whJeUjWUVd
— Chennai Super Kings (@ChennaiIPL) June 13, 2023
മൂന്ന് വർഷം മുമ്പാണ് എംഎസ് ധോണി അന്താരാഷ്ട്ര ക്രിക്കറ്റിൽ നിന്ന് വിരമിച്ചത്. പെട്ടെന്ന് വിരമിക്കൽ പ്രഖ്യാപിച്ച് ധോണി എല്ലാവരെയും ഞെട്ടിച്ചിരുന്നു. അതിന് ശേഷം ധോണി ഐപിഎല്ലിൽ തുടരുകയായിരുന്നു. ഐപിഎൽ പതിനാറാം സീസണിലെ 16 മത്സരങ്ങളിൽ നിന്ന് 12 ഇന്നിംഗ്‌സുകളിലായാണ് ധോണി ബാറ്റിംഗിനിറങ്ങിയത്. ഇതിൽ എട്ടു തവണ പുറത്താകാതെ നിന്നു. 12 ഇന്നിങ്‌സുകളിൽ നിന്നായി 104 റൺസാണ് ധോണി നേടിയത്. പുറത്താകാതെ 32 റൺസാണ് അദ്ദേഹത്തിന്റെ ഉയർന്ന സ്കോർ. ഇത്തവണ കാൽമുട്ടിന് പരിക്കേറ്റിട്ടും ധോണി ഐപിഎല്ലിൽ കളിക്കുകയായിരുന്നു. ഐപിഎൽ സീസണിന് ശേഷം ധോണി മുംബൈയിൽ ശസ്ത്രക്രിയയ്ക്ക് വിധേയനായി.
Keywords: News, National, Chennai, Sports, CSK, Dhoni, Viral Video, IPL, MS Dhoni, 'Is he retiring?': CSK's emotional tweet on Dhoni leaves fans gasping for breath.< !- START disable copy paste -->