Attacked | 'ബൈകില്‍ സഞ്ചരിക്കുന്നതിനിടെ യുവദമ്പതികള്‍ക്ക് നേരെ അഞ്ചംഗ സംഘത്തിന്റെ ആക്രമണം'; ഭാര്യയോട് കണ്ണിറുക്കി കാണിച്ചു, കുടുംബവുമൊത്ത് പുറത്തുപോകാന്‍ പറ്റാത്ത അവസ്ഥയാണെന്നും പരാതി

 


കോഴിക്കോട്: (www.kvartha.com) ബൈകില്‍ സഞ്ചരിക്കുന്നതിനിടെ യുവദമ്പതികള്‍ക്ക് നേരെ അഞ്ചംഗ സംഘത്തിന്റെ ആക്രമണമെന്ന് പരാതി. ഭാര്യയോട് കണ്ണിറുക്കി കാണിച്ചുവെന്നും മോശമായി സംസാരിച്ചെന്നും ആരോപണം.
 
കോഴിക്കോട് നഗരത്തില്‍ ഞായറാഴ്ച രാത്രിയാണ് പരാതിക്കിടയാക്കിയ സംഭവം നടന്നത്. ഇരിങ്ങാടന്‍പള്ളി സ്വദേശികള്‍ക്കുനേരെയാണ് ആക്രമണമുണ്ടായത്. ഭാര്യയോട് മോശമായി പെരുമാറിയത് ചോദ്യം ചെയ്തപ്പോഴായിരുന്നു മര്‍ദനമെന്ന് അക്രമണത്തിനിരയായ അശ്വിന്‍ പറഞ്ഞു.

സംഭവത്തെ കുറിച്ച് അശ്വിന്‍ പറയുന്നത്:

ഞായറാഴ്ച രാത്രി പത്തുമണിയോടെയായിരുന്നു സംഭവം. ഭാര്യയ്‌ക്കൊപ്പം സിനിമ കണ്ട ശേഷം ഭക്ഷണം കഴിക്കാനായി നഗരത്തിലേക്കു പോകുകയായിരുന്നു. ഈ സമയത്ത് രണ്ട് സ്‌കൂടറുകളിലായി അഞ്ചു യുവാക്കള്‍ വന്നു. ഞങ്ങളെ കളിയാക്കുന്ന പോലെ അവര്‍ പാട്ടുപാടി. ഭാര്യയെ കണ്ണിറുക്കി കാണിച്ചപ്പോള്‍ ചോദ്യം ചെയ്തു. അപ്പോള്‍ അവരുടെ കൂട്ടത്തിലുണ്ടായിരുന്ന ഒരാള്‍ എന്നെ വന്നു തല്ലി. മോശമായ വാക്കുകള്‍ ഉപയോഗിച്ച് കയര്‍ത്തു സംസാരിച്ചു.

Attacked | 'ബൈകില്‍ സഞ്ചരിക്കുന്നതിനിടെ യുവദമ്പതികള്‍ക്ക് നേരെ അഞ്ചംഗ സംഘത്തിന്റെ ആക്രമണം'; ഭാര്യയോട് കണ്ണിറുക്കി കാണിച്ചു, കുടുംബവുമൊത്ത് പുറത്തുപോകാന്‍ പറ്റാത്ത അവസ്ഥയാണെന്നും പരാതി

യാതൊരു പ്രകോപനവും ഞങ്ങളുടെ ഭാഗത്തുനിന്നും ഉണ്ടായിട്ടില്ല. എന്തിനാണ് മര്‍ദിച്ചതെന്ന് ഇപ്പോഴും അറിയില്ല. മഴ പെയ്യുന്നതിനാല്‍ ഞങ്ങള്‍ക്കു ആക്രമണത്തിന്റെ വീഡിയോ എടുക്കാന്‍ പറ്റിയില്ല. മുന്‍പരിചയമൊന്നും ഇല്ലാത്തവരാണ് ആക്രമിച്ചത്. ഇവര്‍ മദ്യപിച്ചിരുന്നതായി സംശയമുണ്ട്. 

ഹെല്‍മറ്റ് ഇട്ടിരുന്നതിനാല്‍ അതിനിടയില്‍ക്കൂടിയാണ് മുഖത്തടിച്ചത്. കുടുംബവുമൊത്തു പുറത്തുപോകാന്‍ പറ്റാത്ത അവസ്ഥയാണ്. ഉടനെ തന്നെ വണ്ടിയുടെ നമ്പര്‍ ഉള്‍പെടെ നടക്കാവ് പൊലീസിന് പരാതി നല്‍കിയെങ്കിലും ഇതുവരെ നടപടിയൊന്നും എടുത്തിട്ടില്ല- എന്നും അശ്വിന്‍ പറഞ്ഞു.

Keywords:  Young couple attacked in Kozhikode, Kozhikode, News, Local News, Complaint, Allegation, Police, Attack, Police, Kerala.
ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia