ജീവനക്കാര്‍ കുറ്റക്കാരല്ലെന്ന് നൈജീരിയന്‍ കോടതി ഉത്തരവിട്ടതിന് പിന്നാലെയാണ് മോചനം. കഴിഞ്ഞ ഓഗസ്റ്റില്‍ പടിഞ്ഞാറന്‍ ആഫ്രികന്‍ രാജ്യമായ ഇക്വിറ്റോറിയല്‍ ഗിനിയില്‍ തടഞ്ഞു വയ്ക്കപ്പെട്ട കപ്പല്‍ നവംബറിലാണ് നൈജീരിയയ്ക്ക് കൈമാറിയത്. മാസങ്ങള്‍ നീണ്ട കോടതി വിചാരണയ്ക്കു ശേഷമാണു മോചനം. കെട്ടിച്ചമച്ച കുറ്റങ്ങള്‍ ചുമത്തി കപ്പല്‍ ജീവനക്കാരെ തടഞ്ഞു വച്ചതിനെതിരെ രാജ്യാന്തര തലത്തില്‍ വ്യാപകമായ എതിര്‍പ്പുയര്‍ന്നിരുന്നു.
ഓഗസ്റ്റ് എട്ടിനു നൈജീരിയന്‍ എക്‌സ്‌ക്ലൂസീവ് ഇകണോമിക് സോണിലെ അക്‌പോ ഓഫ്‌ഷോര്‍ ടെര്‍മിനലില്‍ ക്രൂഡ് ഓയില്‍ നിറയ്ക്കാനെത്തിയ ഹീറോയിക് ഇഡുന്‍ അപ്രതീക്ഷിത സംഭവങ്ങള്‍ക്ക് ഇരയാകുകയായിരുന്നു. ക്രൂഡ് ഓയില്‍ നിറയ്ക്കാനുള്ള സാങ്കേതിക അനുമതി ലഭിക്കാത്തതിനാല്‍ സോണ്‍ വിട്ടു പുറത്തുപോകാന്‍ നിര്‍ദേശം ലഭിച്ച കപ്പലിനെ രാത്രി അജ്ഞാത കപ്പല്‍ സമീപിച്ചു. തുടര്‍ന്ന് നൈജീരിയന്‍ നാവിക സേനയാണെന്നും കപ്പല്‍ പരിശോധിക്കണമെന്നും ആവശ്യപ്പെട്ടു.
Keywords: Ship Carrying Detained Indian Sailors in Nigeria released, Kochi, News, Trending, Malayalees, Court, Criticism, Oil, Jailed, Kerala.