കഴിഞ്ഞ 40 വര്‍ഷമായി പ്രദീപ് കുരുല്‍ക്കര്‍ ഡിആര്‍ഡിഒയില്‍ വിവിധ തസ്തികകളില്‍ ജോലി ചെയ്തിട്ടുണ്ട്. എന്നാല്‍ ഇതേ വ്യക്തി തന്നെയാണ് പാകിസ്ഥാന് വിവരങ്ങള്‍ നല്‍കിയതെന്നാണ് ഇപ്പോള്‍ പുറത്ത് വന്നിരിക്കുന്നത്. പ്രദീപ് കുരുല്‍ക്കര്‍ ആര്‍എസ്എസില്‍ വിവിധ സ്ഥാനങ്ങളില്‍ പ്രവര്‍ത്തിച്ചിട്ടുണ്ട്. ആര്‍എസ്എസ് രാജ്യസ്‌നേഹത്തെ കുറിച്ച് എപ്പോഴും മറ്റുള്ളവരോട് പറയാറുണ്ട്, എന്നാല്‍ ഈ ശാഖയില്‍ നിന്നുള്ള ഒരാള്‍ രാജ്യത്തിന്റെ രഹസ്യ വിവരങ്ങള്‍ പാകിസ്ഥാന് നല്‍കി. അപ്പോള്‍ ഇതാണോ ആര്‍എസ്എസ് പഠിപ്പിക്കുന്നത്? ആര്‍എസ്എസും പ്രധാനമന്ത്രി നരേന്ദ്ര മോദിയും ആഭ്യന്തര മന്ത്രി അമിത് ഷായും ഇനി രാജ്യ സ്‌നേഹത്തെ കുറിച്ച് പഠിപ്പിക്കരുത്. രാജ്യസ്‌നേഹം തങ്ങളുടെ രക്തത്തിലുണ്ടെന്നും രാജ്യദ്രോഹിയായ പ്രദീപ് കുരുല്‍ക്കറിനെതിരെ കേന്ദ്രസര്‍ക്കാര്‍ കര്‍ശന നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.
ആര്‍എസ്എസുമായുള്ള തന്റെ ബന്ധത്തിന് തലമുറകളുടെ പഴക്കമുണ്ടെന്ന് കഴിഞ്ഞ വര്‍ഷം ഒരു യൂട്യൂബ് ചാനലിന് നല്‍കിയ അഭിമുഖത്തില്‍ പ്രദീപ് കുരുല്‍ക്കര്‍ വെളിപ്പെടുത്തിയിരുന്നു. സവര്‍ക്കര്‍ സ്മൃതി ദിനത്തില്‍ ആര്‍എസ്എസ് ചടങ്ങില്‍ പങ്കെടുത്ത് പ്രദീപ് സംസാരിക്കുന്ന ചിത്രവും സോഷ്യല്‍ മീഡിയയില്‍ വൈറലായിട്ടുണ്ട്. പാകിസ്താന്‍ ഇന്റലിജന്റ്‌സ് ഓപറേറ്റീവിന്റെ വനിതാ ഏജന്റുമായിട്ടായിരുന്നു പ്രദീപ് ബന്ധം സ്ഥാപിച്ചിരുന്നതെന്നും ഇവരുമായി 2022 സെപ്റ്റംബര്‍ മുതല്‍ വാട്ട്‌സ്ആപ്പിലൂടെയും വോയ്‌സ്, വീഡിയോ കോളിലൂടേയും ബന്ധപ്പെട്ടിരുന്നതായും രഹസ്യ സ്വഭാവമുള്ള വിവരങ്ങള്‍ കൈമാറിയെന്നുമാണ് അന്വേഷണ സംഘം വെളിപ്പെടുത്തുന്നത്. ഇന്ത്യയുടെ പ്രതിരോധ മന്ത്രാലയത്തിന്റെ വളരെ പ്രധാനപ്പെട്ട സ്ഥാപനമാണ് ഡിആര്‍ഡിഒ.
Keywords: Malyalam News, NCP, DRDO Scientist, Pradeep Kurulkar, NCP demands action against scientist accused of spying for Pakistan.