കൗമാരക്കാരനായ പ്രതി എങ്ങനെയാണ് ഇത്രയും ക്രൂരമായ കൃത്യത്തിനു തയാറായതെന്ന് കണ്ടെത്തുകയാണ് പരിശോധന നടത്തുന്നത് വഴി ഡെല്ഹി പൊലീസിന്റെ ലക്ഷ്യം. രോഹിണിയിലെ ഷാഹ് ബാദില് സാക്ഷി എന്ന 16 വയസ്സുകാരിയെയാണ് ഇക്കഴിഞ്ഞ ഞായറാഴ്ച 22 തവണ കുത്തിയശേഷം തലയില് സിമന്റ് സ്ലാബ് കൊണ്ട് ഇടിച്ച് കൗമാരക്കാരന് കൊലപ്പെടുത്തിയത്.
സംഭവത്തിന്റെ സിസിടിവി ദൃശ്യങ്ങള് പുറത്തുവന്നിരുന്നു. കൊലയ്ക്കുശേഷം കടന്നുകളഞ്ഞ പ്രതി സാഹിലിനെ യുപിയിലെ ബുലന്ദ് ഷെഹറില്നിന്ന് പൊലീസ് പിടികൂടിയിരുന്നു. സൈകോ അനാലിസിസ് പരിശോധനാവേളയില്, സാഹിലിന്റെ കുടുംബം, സുഹൃത്തുക്കള്, ജീവിതരീതി തുടങ്ങിയ കാര്യങ്ങള് അന്വേഷണസംഘം ചോദിച്ചു മനസ്സിലാക്കും.
മൂന്നു മണിക്കൂറോളം നീളുന്ന പരിശോധനയിലൂടെ കുറ്റവാളിയുടെ മാനസികനില മനസ്സിലാക്കാന് സാധിക്കുമെന്ന് പൊലീസ് വൃത്തങ്ങളെ ഉദ്ധരിച്ച് ദേശീയമാധ്യമങ്ങള് റിപോര്ട് ചെയ്തു. മാനസികാരോഗ്യ വിദഗ്ധരുടെ നേതൃത്വത്തിലാകും പരിശോധന. പ്രണയബന്ധം അവസാനിപ്പിക്കണമെന്ന് പെണ്കുട്ടി ആവശ്യപ്പെട്ടതിന്റെ നിരാശയിലാണ് കൊലപാതകം നടത്തിയതെന്ന് സാഹില് കുറ്റസമ്മതം നടത്തിയിരുന്നു. സുഹൃത്തിന്റെ മകളുടെ ജന്മദിനാഘോഷത്തിന് സമ്മാനം വാങ്ങി മടങ്ങിവരുന്നതിനിടെയാണ് തിരക്കേറിയ വഴിയില്വച്ചു സാഹില് പെണ്കുട്ടിയെ ആക്രമിച്ചത്.
Keywords: Murdered Delhi Teen's Boyfriend To Face Psychological Test: Sources, New Delhi, News, Crime, Criminal Case, Police, Arrested, Medical Test, Media, Report, National.