ലയണല്‍ മെസി സൗദി അറേബ്യയിലേക്ക് അനുവാദമില്ലാതെ യാത്ര നടത്തിയെന്ന് കാട്ടി, പിഎസ്ജി അദ്ദേഹത്തെ രണ്ടാഴ്ചത്തേക്ക് സസ്‌പെന്‍ഡ് ചെയ്യുകയും മൂന്നാം സീസണിലേക്ക് കരാര്‍ പുതുക്കേണ്ടതില്ലെന്ന് തീരുമാനിക്കുകയും ചെയ്തതായി ഫ്രഞ്ച് സ്‌പോര്‍ട്‌സ് പത്രമായ എല്‍ എക്വിപ്പ് റിപ്പോര്‍ട്ട് ചെയ്തിട്ടുണ്ട്. സൗദിയുടെ ടൂറിസം അംബാസഡറായ മെസി എതിരാളിയായ ക്രിസ്റ്റ്യാനോ റൊണാള്‍ഡോയുടെ പാത പിന്തുടര്‍ന്ന് സൗദി ക്ലബുമായി കരാര്‍ ഒപ്പിടുമെന്നാണ് പ്രതീക്ഷിക്കുന്നത്.
റൊണാള്‍ഡോ 2022 ഡിസംബറിലാണ് സൗദിയിലെ അല്‍-നാസറുമായി കരാര്‍ ഒപ്പുവെച്ചത്. ഈ നീക്കത്തിലൂടെ ലോകത്തെ ഏറ്റവും കൂടുതല്‍ പ്രതിഫലം വാങ്ങുന്ന കായികതാരമായി അദ്ദേഹം മാറി. ഏകദേശം 1970 കോടി രൂപയോളമാണ് റൊണാള്‍ഡോയ്ക്ക് പ്രതിഫലമായി ലഭിക്കുന്നത്. മെസിയുടെ കരാര്‍ റൊണാള്‍ഡോയെ മറികടക്കുമെന്ന് റിപ്പോര്‍ട്ടുകള്‍ പറയുന്നു. ഏകദേശം 400 മില്യണ്‍ യൂറോയുടെ (3,620 കോടി രൂപ) വാര്‍ഷിക കരാറിനായി ലയണല്‍ മെസിയുടെ പ്രതിനിധികള്‍ അല്‍-ഹിലാലുമായി ചര്‍ച്ച നടത്തുന്നതായി ഡെയ്ലി ടെലിഗ്രാഫ് റിപ്പോര്‍ട്ട് ചെയ്തു. എന്നിരുന്നാലും, അല്‍-ഹിലാലോ പിഎസ്ജിയോ ഇതുവരെ റിപ്പോര്‍ട്ടുകള്‍ സ്ഥിരീകരിച്ചിട്ടില്ല.
Keywords: World News, Sports News, Gulf News, Lionel Messi, Cristiano Ronaldo, Al-Nassr, Al Hilal, Football News, Saudi Arabian club, Messi reportedly set for lucrative Rs 3,620 crore transfer to Saudi Arabian club.
< !- START disable copy paste -->