99.94 ശതമാനം വിജയമാണ് ജില്ല നേടിയത്. കൂട്ടായ പ്രവര്ത്തനത്തിന്റെ ഫലമാണ് അഭിമാനകരമായ നേട്ടമെന്ന് ജില്ലാപഞ്ചായത് പ്രസിഡന്റ് പറഞ്ഞു. തദ്ദേശ സ്ഥാപനമെന്ന നിലയില് പരമാവധി പിന്തുണ നല്കാന് ശ്രമിച്ചുവെന്നും അവര് പറഞ്ഞു. 198 കേന്ദ്രങ്ങളിലായി 35, 285 വിദ്യാര്ഥികളാണ് ജില്ലയില് ഇത്തവണ പരീക്ഷയെഴുതിയത്.
40 ലക്ഷം രൂപ ചിലവില് ജില്ലാപഞ്ചായത് നടപ്പാക്കിയ സ്മൈല്, മുകുളം പദ്ധതികള് വിജയം കണ്ടു. പഠനത്തില് പിന്നോക്കം നില്ക്കുന്ന വിദ്യാര്ഥികള്ക്കായി വിദഗ്ധരായ അധ്യാപകരുടെ നേതൃത്വത്തില് പ്രത്യേക മൊഡ്യുള് തയാറാക്കിയാണ് സ്കൂളുകളില് പരിശീലനം നല്കിയത്. പട്ടികവര്ഗ മേഖലകളില് റെസിഡന്ഷ്യല് കാംപുകള് നടത്തി. ഭക്ഷണ സൗകര്യങ്ങള് ഉള്പെടെ നല്കി സ്കൂളുകളില് രണ്ട് മാസത്തോളം പ്രത്യേക പരിശീലന ക്ലാസുകള് നടത്തി. വിദ്യാര്ഥികളുടെ പ്രശ്നങ്ങള് മനസിലാക്കിയാണ് പരിശീലനം നല്കിയത്.
Keywords: Kannur students with hat trick in SSLC examination, Kannur, News, SSLC, Result, Students, Teachers, Education, Press Meet, Kerala.