ഒപി ടികറ്റുകള്‍ നല്‍കുന്നത് നിര്‍ത്തിവെക്കാന്‍ പത്തര മണിയോടെ ആശുപത്രി അധികൃതര്‍ ജീവനക്കാര്‍ക്ക് നിര്‍ദേശം നല്‍കുകയായിരുന്നു. എന്നാല്‍ അതുവരെ ടികറ്റെടുത്ത് ഒപി കളിലെത്തിയവരെ ഡോക്ടര്‍മാര്‍ പരിശോധിച്ചു. അത്യാഹിത വിഭാഗത്തെ പണിമുടക്ക് സമരത്തില്‍ നിന്നും ഒഴിവാക്കിയത് ആശ്വാസമായി.
കേരള ഗവണ്‍മെന്റ് മെഡികല്‍ ഓഫീസേര്‍സ് അസോസിയേഷന്റെ (KGMOA) ആഹ്വാന പ്രകാരമാണ് ഡോക്ടര്‍മാര്‍ സമരം നടത്തിയത്. ദൂരസ്ഥലങ്ങളില്‍ നിന്നുമായി വാഹനങ്ങള്‍ പിടിച്ച് ആശുപത്രിയിലെത്തിയവര്‍ ഡോക്ടര്‍മാര്‍ സമരത്തിലാണെന്നറിഞ്ഞതോടെ ജീവനക്കാരുമായി വാക് തര്‍ക്കമുണ്ടായെങ്കിലും അവരെ കാര്യങ്ങള്‍ പറഞ്ഞ് ധരിപ്പിച്ച് തിരിച്ചയക്കുകയായിരുന്നു.
ഇനി അടുത്ത ദിവസവും ഞങ്ങള്‍ വന്ന് തിരിച്ചു പോകേണ്ടി വരുമോ എന്നായിരുന്നു ജീവനക്കാരോട് ചില രോഗികളുടെ ചോദ്യം. പണിമുടക്കിന് ശേഷം ഡോക്ടര്‍മാര്‍ ജില്ലാ ആശുപത്രിക്ക് മുന്‍പില്‍ പ്രതിഷേധ ധര്‍ണ നടത്തി.
Keywords: Kannur: Flash strike by doctors; Patients Effected, Kannur, News, Doctors Strike, Patient, Woman Doctor Murder, Hospital, OP Ticket, Protest, Kerala.