ഇതേ മണ്ഡലത്തില്‍ നിന്നുള്ള എംഎല്‍എയും മുന്‍ മന്ത്രിയും ആയിരുന്ന പരേതനായ ഖമറുല്‍ ഇസ്ലാമിന്റെ ഭാര്യയാണ് കനീസ്. ഖമറുല്‍ ഇസ്ലാമിന്റെ മരണത്തെ തുടര്‍ന്നാണ് അവര്‍ സജീവ രാഷ്ട്രീയത്തിലെത്തിയത്. 2018ലെ നിയമസഭാ തിരഞ്ഞെടുപ്പില്‍ 5,940 വോടിന്റെ ഭൂരിപക്ഷത്തിലാണ് കനീസ് വിജയിച്ചത്. 2008 മുതല്‍ കോണ്‍ഗ്രസാണ് ഈ മണ്ഡലത്തില്‍ വിജയിക്കുന്നത്. ഹിജാബ് വിഷയം സംസ്ഥാന രാഷ്ട്രീയത്തില്‍ കോളിളക്കം സൃഷ്ടിച്ചപ്പോള്‍, കഴിയുമെങ്കില്‍ നിയമസഭാ മന്ദിരത്തിനുള്ളില്‍ ഹിജാബ് ധരിക്കുന്നത് തടയൂവെന്ന് വെല്ലുവിളിച്ച് കനീസ് ഫാത്തിമ ശ്രദ്ധ നേടിയിരുന്നു.
'ഞാന്‍ ഹിജാബ് ധരിച്ചാണ് നിയമസഭയിലേക്ക് പോകുന്നത്. ധൈര്യമുണ്ടെങ്കില്‍ സംസ്ഥാന സര്‍ക്കാരിന് എന്നെ തടയാന്‍ ശ്രമിക്കാം. ഹിജാബിന്റെ നിറം യൂണീഫോമിന് അനുസൃതമായി മാറ്റാന്‍ ഞങ്ങള്‍ തയാറാണ്. പക്ഷേ അത് ധരിക്കുന്നതില്‍ നിന്ന് ഞങ്ങളെ വിലക്കാന്‍ അനുവദിക്കില്ല. ഇത്രയും കാലം ഞങ്ങള്‍ ഇതുതന്നെയാണ് ധരിച്ചിരുന്നത്. ബുര്‍ഖയും ഹിജാബുമൊന്നും പുതിയ കാര്യമല്ല. പിന്നെ എന്തുകൊണ്ടാണ് ഇപ്പോള്‍ അത് ധരിക്കുന്നതിനെ എതിര്‍ക്കുന്നത്?', അന്ന് അവര്‍ പറഞ്ഞിരുന്നു.
Keywords: Malayalam News, Karnataka Election News, Congress, Kaneez Fatima, Politics, Karnataka Politics, Political News, Kaneez Fatima won from Gulbarga Uttar.
< !- START disable copy paste -->