Railway | റെയിൽവേ ടിക്കറ്റുകൾ ഡിജിറ്റലിലേക്ക്; പേപ്പർ ടിക്കറ്റ് ഉടൻ അവസാനിപ്പിക്കും

ബൈക്കുള-മുംബൈ, ഹൗറ, ഷക്കൂർബസ്തി-ഡൽഹി, റോയാപൂർ-ചെന്നൈ, സെക്കന്തരാബാദ് എന്നിവിടങ്ങളിലെ റെയിൽവേയുടെ പ്രിന്റിംഗ് പ്രസുകളാണ് അടച്ചുപൂട്ടാൻ ഉത്തരവിട്ടുള്ളത്. ഇവിടെയുള്ള ജീവനക്കാരെ മറ്റു വിഭാഗങ്ങളിലേക്ക് പുനർവിന്യസിക്കും. റിസർവ് ചെയ്‌തതും റിസർവ് ചെയ്യാത്തതുമായ റെയിൽവേ ടിക്കറ്റുകൾ, ക്യാഷ് രസീത് ബുക്കുകൾ ഉൾപ്പെടെ 46 തരം രേഖകൾ ഇവിടെ അച്ചടിക്കുന്നു. റെയിൽവേ പ്രിന്റിംഗ് പ്രസ് അടച്ചുപൂട്ടാനുള്ള തത്വത്തിലുള്ള തീരുമാനം 2019 മെയ് മാസത്തിലാണ് എടുത്തതെന്ന് ഉദ്യോഗസ്ഥർ പറഞ്ഞു. ഇപ്പോൾ അത് നടപ്പാക്കുകയാണ്.

ബോർഡിന്റെ ഉത്തരവ് പ്രകാരം റിസർവ്ഡ്-അൺ റിസർവ്ഡ് ടിക്കറ്റുകൾ ഉൾപ്പെടെ റെയിൽവേ ടിക്കറ്റുകൾ പൂർണമായി ഡിജിറ്റൈസ് ചെയ്യും. പൂർണമായും ഇത് നടപ്പിൽ വരുന്നത് വരെ റെയിൽവേ ടിക്കറ്റുകളും മറ്റ് രേഖകളും ഐബിഎസിന്റെയും ആർബിഐയുടെയും അംഗീകൃത പ്രിന്റിംഗ് പ്രസിൽ അച്ചടിക്കും. നിലവിൽ 81 ശതമാനം യാത്രക്കാരും ഓൺലൈനായി ഇ-ടിക്കറ്റുകൾ ബുക്ക് ചെയ്യുന്നുണ്ടെന്നാണ് വിദഗ്ധർ പറയുന്നത്. 19 ശതമാനം ടിക്കറ്റുകളാണ് കൗണ്ടറുകളിൽ നിന്ന് വാങ്ങുന്നത്.