ചരിത്രം
യഥാർഥത്തിൽ, അന്ന ജാർവിസിന്റെ അമ്മ ആൻ റീവ്സ് ജാർവിസ് മാതൃദിനം ആരംഭിക്കാൻ ആഗ്രഹിച്ചിരുന്നു. 'അമ്മമാർക്കായി ഒരു ദിനം' എന്നതായിരുന്നു ലക്ഷ്യം. എന്നിരുന്നാലും, സ്വപ്നം പൂർത്തിയാക്കാനാവാതെ ആൻ റീവ്സ് ജാർവിസ് 1905-ൽ മരിച്ചു, അവരുടെ മകൾ അന്ന ജാർവിസ് അമ്മയുടെ സ്വപ്നം സാക്ഷാത്കരിക്കാനുള്ള ഉത്തരവാദിത്തം ഏറ്റെടുത്തു. ഈ ദിനത്തിൽ ആളുകൾ അവരുടെ അമ്മയുടെ ത്യാഗത്തെ സ്മരിക്കുകയും അഭിനന്ദിക്കുകയും ചെയ്യണമെന്ന് അവർ കരുതി. അവരുടെ ആശയം ആളുകൾക്ക് വളരെയധികം ഇഷ്ടപ്പെട്ടു, അത് ഉടനടി ഏറ്റെടുക്കുകയും ആൻ റീവ്സിന്റെ മരണത്തിന് മൂന്ന് വർഷത്തിന് ശേഷം 1908 ൽ ആദ്യമായി മാതൃദിനം ആഘോഷിക്കുകയും ചെയ്തു.
ലോകത്ത് ആദ്യമായി മാതൃദിനം ആഘോഷിച്ചപ്പോൾ അന്ന ജാർവിസ് അമ്മയ്ക്ക് ഇഷ്ടപ്പെട്ട വെള്ള നിറത്തിലുള്ള പൂക്കൾ അന്ന് സ്ത്രീകൾക്ക് വിതരണം ചെയ്തിരുന്നു. തുടർന്നുള്ള വർഷങ്ങളിൽ, മാതൃദിനത്തിൽ ഈ പൂക്കൾ ഒരുതരം കരിഞ്ചന്തയായി മാറി. ഉയർന്ന വിലയ്ക്ക് ഇവ വാങ്ങാൻ ആളുകൾ ശ്രമം തുടങ്ങി. ഇതുകണ്ട് രോഷാകുലയായ അന്ന ഈ ദിവസം അവസാനിപ്പിക്കാൻ ഒരു പ്രചാരണം തുടങ്ങി. ആളുകൾ തങ്ങളുടെ അത്യാഗ്രഹത്തിനു വേണ്ടി ദിനത്തെ കച്ചവടവൽക്കരിച്ച് അതിന്റെ പ്രാധാന്യം കുറച്ചുവെന്ന് അവർ പറഞ്ഞു. 1920-ൽ, പൂക്കൾ വാങ്ങരുതെന്ന് ജനങ്ങളോട് അഭ്യർഥിക്കുക കൂടി ചെയ്തു. അവസാന നിമിഷം വരെ ഈ ദിവസം അവസാനിപ്പിക്കാനുള്ള പ്രചാരണത്തിൽ അവർ ഏർപ്പെട്ടിരുന്നു. ഇതിനായി സിഗ്നേച്ചർ കാമ്പെയ്‌നും ആരംഭിച്ചു, പക്ഷേ വിജയം കൈവരിക്കാനായില്ല, 1948 ഓടെ അന്ന ഈ ലോകത്തോട് വിട പറഞ്ഞു.
പ്രാധാന്യം
എല്ലാ അമ്മമാരോടും ബഹുമാനവും കരുതലും സ്നേഹവും പ്രകടിപ്പിക്കുന്നതിനായി ലോകത്തിന്റെ വിവിധ ഭാഗങ്ങളിൽ ആഘോഷിക്കുന്ന അവസരമാണ് മാതൃദിനം. നമ്മുടെ ജീവിതത്തിൽ അമ്മയുടെ പങ്ക് അനുസ്മരിക്കുന്നതിനാണ് ഈ ദിവസം ആഘോഷിക്കുന്നത്. അമ്മമാർക്കായി പ്രത്യേകമായി എന്തെങ്കിലും ചെയ്യാനുള്ള അവസരം ഈ ദിവസം നൽകുന്നു. എന്നാൽ അമ്മയോട് നന്ദി പറയാൻ ഒരു ദിവസം മാത്രം പോരാ എന്ന് ശ്രദ്ധിക്കുക.
Keywords: News, National, Mothers Day, New Delhi, India, World, History, History of Mother's Day.
< !- START disable copy paste -->