കള്ളപ്പണം ചിലവഴിക്കാനാണ് പലരും സിനിമാ രംഗത്തേക്ക് കടന്നു വരുന്നതെന്ന് ജി സുധാകരന്‍ അഭിപ്രായപ്പെട്ടു. സിനിമാ മേഖലയില്‍ വരുന്ന കോടാനുകോടി രൂപയുടെ ഉറവിടം ആര്‍ക്കുമറിയില്ലെന്നും അദ്ദേഹം ചൂണ്ടിക്കാട്ടി.
നടീനടന്മാര്‍ പലരും കോടീശ്വരന്മാരാകുന്നുവെന്ന് പറഞ്ഞ അദ്ദേഹം പലരും മയക്കുമരുന്നിന് അടിമകളുമാണെന്നും വ്യക്തമാക്കി. മലയാളത്തില്‍ ഇപ്പോള്‍ നല്ല സിനിമകള്‍ കുറവാണ്. ആസുരീയ ശക്തികള്‍ ജയിച്ച് കൊടിപാറിക്കുന്നതാണു നമ്മുടെ സിനിമകളില്‍ കൂടുതലും കാണുന്നത്. വിഭ്രാന്തമായ മായികലോകത്തേക്കാണ് അവ ജനങ്ങളെ കൊണ്ടുപോകുന്നത്. ജനഹൃദയങ്ങളില്‍ നിറഞ്ഞുനില്‍ക്കാന്‍ കഴിയുന്ന ചിലവു കുറഞ്ഞതും കഥയുള്ളതുമായ സിനിമകളുണ്ടാകണമെന്നും അദ്ദേഹം ആവശ്യപ്പെട്ടു.
സമിതി രക്ഷാധികാരി ഫിലിപ്പോസ് തത്തംപള്ളി അധ്യക്ഷത വഹിച്ചു. ഡോ. നെടുമുടി ഹരികുമാര്‍, ജെനറല്‍ കണ്‍വീനര്‍ കെസി രമേഷ് കുമാര്‍, ചമ്പക്കുളം ഗ്രാമപ്പഞ്ചായത് പ്രസിഡന്റ് ടിജി ജലജകുമാരി, സമിതി വൈസ് ചെയര്‍മാന്‍ ബി ജോസ് കുട്ടി, ട്രഷറര്‍ അഗസ്റ്റിന്‍ ജോസ്, ഇ ഖാലിദ് തുടങ്ങിയവര്‍ പ്രസംഗിച്ചു.
Keywords: G Sudhakaran statement on Malayalam film industry, Alappuzha, News, Criticism, Cinema, Actors, Actress, G Sudhakaran, Inauguration, John Ebraham, Kerala.