എന്നിരുന്നാലും, മഹാമാരി വിഭാഗത്തിൽ നിന്ന് നീക്കിയെങ്കിലും, അപകടം അവസാനിച്ചിട്ടില്ലെന്ന് ലോകാരോഗ്യ സംഘടന മുന്നറിയിപ്പ് നൽകി. ഓരോ ആഴ്ചയും ആയിരക്കണക്കിന് ആളുകൾ ഇപ്പോഴും വൈറസ് ബാധിച്ച് മരിക്കുന്നുണ്ടെന്ന് ഐക്യരാഷ്ട്രസഭയുടെ ആരോഗ്യ ഏജൻസി പറയുന്നു. 'കോവിഡ്-19 ആഗോള ആരോഗ്യ അടിയന്തരാവസ്ഥയല്ലെന്ന് ഞാൻ പ്രഖ്യാപിക്കുന്നത് വലിയ പ്രതീക്ഷയോടെയാണ്. എന്നാൽ കോവിഡ് അവസാനിച്ചു എന്നല്ല ഇതിനർഥം', ടെഡ്രോസ് അഥാനോം പറഞ്ഞു.
.webp "Covid global health emergency is over, WHO says")
2020 ജനുവരി 30 നാണ് ലോകാരോഗ്യ സംഘടന ആദ്യമായി കൊറോണ വൈറസിനെ അന്താരാഷ്ട്ര അടിയന്തരാവസ്ഥയായി പ്രഖ്യാപിച്ചത്. ചൈനയിൽ നിന്നാണ് ആദ്യമായി അണുബാധ റിപ്പോർട്ട് ചെയ്തത്. ഇപ്പോൾ മൂന്ന് വർഷത്തിലേറെയായി, ആഗോളതലത്തിൽ 764 ദശലക്ഷം വൈറസ് കേസുകൾ റിപ്പോർട്ട് ചെയ്തിട്ടുണ്ട്. 2021 ജനുവരിയിൽ 100,000-ത്തിലധികമായിരുന്നു മരണനിരക്ക്. ഏപ്രിൽ 24 എത്തിയപ്പോഴേക്കും ഇത് 3,500 ആയി കുറഞ്ഞതായി അധികൃതർ പറഞ്ഞു. കൂടാതെ ഏകദേശം അഞ്ച് ബില്യൺ ആളുകൾ കുറഞ്ഞത് ഒരു ഡോസ് വാക്സിനെങ്കിലും എടുത്തിട്ടുണ്ട്.
Keywords: News, World, Covid, Health, WHO, Virus, Covid global health emergency is over, WHO says.
< !- START disable copy paste -->