ആലപ്പുഴ: (www.kvartha.com) ചേര്‍ത്തലയില്‍ കുഴഞ്ഞ് വീണ് മരിച്ച പ്ലസ് വണ്‍ വിദ്യാര്‍ഥിനി ഒരു മാസത്തോളം ചികിത്സയിലായിരുന്നുവെന്ന് ബന്ധുക്കള്‍. ഹയര്‍ സെകന്‍ഡറി വിദ്യാര്‍ഥിനി പൂജ (16) യാണ് കുഴഞ്ഞ് വീണ് മരിച്ചത്. ചേര്‍ത്തല നഗരസഭ പന്ത്രണ്ടാം വാര്‍ഡില്‍ ലക്ഷ്മി ഭവനില്‍ നന്ദകുമാര്‍ - സോമലത ദമ്പതികളുടെ മകളാണ്.
ചൊവ്വാഴ്ച രാവിലെ വീട്ടില്‍വച്ച് കുഴഞ്ഞ് വീഴുകയായിരുന്നു. തുടര്‍ന്ന് ഉടന്‍തന്നെ ചേര്‍ത്തല താലൂക് ആശുപത്രിയിലെത്തിച്ചെങ്കിലും രക്ഷിക്കാനായില്ല. നേരത്തെ അള്‍സര്‍ ബാധിച്ചതിനെ തുടര്‍ന്ന് പുജ എറണാകുളത്തെ ആശുപത്രിയില്‍ ഒരു മാസത്തോളം ചികിത്സയിലായിരുന്നുവെന്ന് ബന്ധുക്കള്‍ പറഞ്ഞു. സഹോദരി: പൂജിത. ചേര്‍ത്തല ഗവ. ഗേള്‍സ് ഹയര്‍ സെകന്‍ഡറി സ്‌കൂളിലെ പ്ലസ് വണ്‍ വിദ്യാര്‍ഥിനിയാണ്.
Keywords: News, Kerala-News, Kerala, News-Malayalam, Local-News, Regional-News, Obituary-News, Obituary, Alappuzha, Student, Plus One, Alappuzha: Plus one student died after falling down in Cherthala.