'സാധാരണക്കാര്‍ക്കെതിരെ എം-16, എകെ-47 തോക്കുകളും സ്നൈപര്‍ തോക്കുകളുമാണ് ഭീകരര്‍ ഉപയോഗിക്കുന്നത്. പല ഗ്രാമങ്ങളിലും അവര്‍ വീടുകള്‍ കത്തിച്ചു. സൈന്യത്തിന്റെയും മറ്റ് സുരക്ഷാ സേനകളുടെയും സഹായത്തോടെ ഞങ്ങള്‍ തിരിച്ചടിച്ചു തുടങ്ങി. ഇതുവരെ 40 ഓളം തീവ്രവാദികളെ വധിച്ചതായാണ് റിപോര്‍ടുകള്‍' എന്നും എന്‍ ബിരേന്‍ സിങ് പറഞ്ഞു.
പുലര്‍ചെ ഇംഫാല്‍ താഴ് വരയിലും പരിസരത്തുമുള്ള അഞ്ച് സ്ഥലങ്ങളില്‍ ഒരേ സമയം വിമതര്‍ ആക്രമണം നടത്തിയതായുള്ള റിപോര്‍ടുകളും പുറത്തുവരുന്നു. സെക്മായി, സുഗ്നു, കുംബി, ഫായെങ്, സെറോ എന്നിവിടങ്ങളിലായിരുന്നു ആക്രമണം. അജ്ഞാത മൃതദേഹങ്ങള്‍ തെരുവില്‍ കിടക്കുന്നതായുള്ള റിപോര്‍ടുകളും പുറത്തുവരുന്നുണ്ട്. മൂന്നു ദിവസം മുന്‍പ് കേന്ദ്ര ആഭ്യന്തരമന്ത്രി അമിത് ഷാ സംഘര്‍ഷമേഖല സന്ദര്‍ശിച്ചിരുന്നു. അവിടെ താമസിച്ച് സമാധാന ശ്രമങ്ങള്‍ നടത്തുമെന്നും അദ്ദേഹം പറഞ്ഞിരുന്നു.
അസം റൈഫിള്‍സിനെയും ഇന്‍ഡ്യന്‍ കരസേനയേയും പിന്‍വലിക്കണമെന്നും പകരം മണിപ്പൂര്‍ പൊലീസിനെ വിന്യസിക്കണമെന്നുമാണ് അവരുടെ ആവശ്യം. അസം റൈഫിള്‍സ് കുക്കികളെ സഹായിക്കുന്ന നിലപാടാണ് സ്വീകരിക്കുന്നതെന്നും കുക്കി സായുധഗ്രൂപുകള്‍ക്കെതിരെ നടപടി സ്വീകരിക്കുന്നില്ലെന്നും ഭരണകക്ഷി എംഎല്‍എമാര്‍ ആരോപിച്ചു.
Keywords: 30 insurgents shot dead in Manipur by security forces, says CM Biren Singh, Imphal, News, Politics, Clash, Allegation, Terrorists, Killed, Report, News, National.