അപകടത്തില്‍ ഭര്‍ത്താവിന് ഭര്‍ത്താവ് സജു(48) വിനും പരുക്കേറ്റു. ഇദ്ദേഹത്തെ ആശുപത്രിയില്‍ പ്രവേശിപ്പിച്ചു. പാലാ - തൊടുപുഴ റോഡില്‍ മാനത്തൂരില്‍ നിന്നും ചെറുകുറിഞ്ഞി റോഡിലേക്ക് തിരിയുന്ന ജന്‍ക്ഷനിലാണ് അപകടമുണ്ടായത്.
പാലായില്‍ നിന്നും തൊടുപുഴയ്ക്ക് പോവുകയായിരുന്ന കാറും ചെറുകുറിഞ്ഞിയില്‍ നിന്നും ഈരാറ്റുപേട്ട ഭാഗത്തേയ്ക്ക് പോവുകയായിരുന്ന സ്‌കൂടറുമാണ് ഇടിച്ചത്. ചെറുകുറിഞ്ഞി ഭാഗത്തുനിന്നും സ്‌കൂടര്‍ ഇറങ്ങി വന്നപ്പോള്‍ മെയിന്‍ റോഡില്‍ ടിപര്‍ ലോറി പാര്‍ക് ചെയ്തിരുന്നു. ടിപര്‍ ലോറിയെ മറികടന്ന് റോഡിലേക്ക് ഇറങ്ങി ചെന്നപ്പോള്‍ കാറ് സ്‌കൂടറില്‍ ഇടിക്കുകയായിരുന്നുവെന്ന് ദൃക് സാക്ഷികള്‍ പറയുന്നു.
കൂടെ ഉണ്ടായിരുന്ന മകന്‍ ഇവാന്‍(10) തെറിച്ച് റോഡിലേക്ക് വീണ് എതിരേവന്ന മറ്റൊരു വാഹനത്തിന്റെ അടിയില്‍ പെടുകയും പരുക്കേല്‍ക്കാതെ രക്ഷപെടുകയും ചെയ്തു.
ബഹ്റൈനില്‍ ജോലിചെയ്തിരുന്ന സജുവും, സ്മിതയും ഏതാനും മാസങ്ങള്‍ക്ക് മുമ്പാണ് നാട്ടിലെത്തിയത്. തിരിച്ചുപോകുന്നതിനുള്ള തയാറെടുപ്പിലായിരുന്നു. അതിനിടെ ആഗസ്മികമായുണ്ടായ മരണത്തിന്റെ നടുക്കത്തിലാണ് കുടുംബാംഗങ്ങള്‍.
സ്മിത ഈരാറ്റുപേട്ട പുളിക്കക്കുന്നേല്‍ കുടുംബാംഗമാണ്. സ്മിതയ്ക്ക് ഇവാനെ കൂടാതെ മിലന്‍(15) എന്നുപേരുള്ള മറ്റൊരു മകനുമുണ്ട്. രാമപുരം പൊലീസ് സ്ഥലത്തെത്തി മേല്‍നടപടികള്‍ സ്വീകരിച്ചു.
Keywords: Woman Died in Road Accident, Thodupuzha, News, Accidental Death, Dead Body, Hospital, Treatment, Injured, Dead Body, Kerala.