നിലവില്‍ തിരുവനന്തപുരത്ത് നിന്ന് കണ്ണൂരിലെത്തിച്ചേരുന്ന ഏറ്റവും വേഗത കൂടിയ ട്രെയിന്‍ രാജധാനി എക്‌സ്പ്രസാണ്. രാത്രി 7.15ന് തിരുവനന്തപുരത്തുനിന്ന് പുറപ്പെടുന്ന രാജധാനി എക്സ്പ്രസ് പുലര്‍ചെ 3.12ന് കണ്ണൂരിലെത്തും. എട്ട് മണിക്കൂറോളം സമയമെടുത്താണ് ട്രെയിന്‍ കണ്ണൂരിലെത്തുന്നത്. എന്നാല്‍ രാജധാനിയേക്കാള്‍ ഒരു മണിക്കൂര്‍ നേരത്തെ വന്ദേ ഭാരത് പരീക്ഷണയോട്ടത്തില്‍ കണ്ണൂരിലെത്തി.
തിരുവനന്തപുരം-കണ്ണൂര്‍ റൂടില്‍ പ്രധാനപ്പെട്ട മറ്റ് രണ്ട് ട്രെയിനുകള്‍ ജനശതാബ്ദി എക്‌സ്പ്രസും മാവേലി എക്‌സ്പ്രസുമാണ്. പുലര്‍ചെ 4.50 ന് കണ്ണൂരില്‍ നിന്ന് പുറപ്പെടുന്ന ജനശതാബ്ദി എക്സ്പ്രസ് ഒമ്പത് മണിക്കൂര്‍ 20 മിനുറ്റ് സമയമെടുത്ത് ഉച്ചയക്ക് 2.10നാണ് തിരുവനന്തപുരത്തെത്തുന്നത്. വന്ദേഭാരതിന്റെ സമയവുമായി താരതമ്യം ചെയ്യുമ്പോള്‍ ജനശതാബ്ദിക്ക് രണ്ട് മണിക്കൂര്‍ വേഗത കുറവാണ്. മാവേലി എക്‌സ്പ്രസിനാകട്ടെ വന്ദേഭാരതിനേക്കാള്‍ മൂന്ന് മണിക്കൂര്‍ വേഗത കുറവാണ്. വൈകീട്ട് 7.25 ന് തിരുവനന്തപുരത്തുനിന്ന് പുറപ്പെടുന്ന മാവേലി എക്സ്പ്രസ് ആലപ്പുഴ വഴി കണ്ണൂരിലെത്തുന്നത് 10 മണിക്കൂറോളം സമയമെടുത്ത് പുലര്‍ചെ 5.20 നാണ്.
Keywords: Railway-News, Vande-Bharat-Express, Kannur-News, Kerala News, Malayalam News, Vande Bharat picked up speed in second trial run.
< !- START disable copy paste -->