PM Modi | കൊച്ചി വാടര്‍ മെട്രോയും ഡിജിറ്റല്‍ സയന്‍സ് പാര്‍കും ഉള്‍പെടെയുള്ള കേരളത്തിന്റെ പദ്ധതികള്‍ മറ്റു സംസ്ഥാനങ്ങള്‍ക്ക് മാതൃകയെന്ന് പ്രധാനമന്ത്രി
Apr 25, 2023, 15:07 IST
തിരുവനന്തപുരം: (www.kvartha.com) കൊച്ചി വാടര്‍ മെട്രോയും ഡിജിറ്റല്‍ സയന്‍സ് പാര്‍കും ഉള്‍പെടെയുള്ള കേരളത്തിന്റെ പദ്ധതികള്‍ മറ്റു സംസ്ഥാനങ്ങള്‍ക്ക് മാതൃകയാണെന്ന് പ്രധാനമന്ത്രി നരേന്ദ്ര മോദി. പാളയം സെന്‍ട്രല്‍ സ്റ്റേഡിയത്തില്‍ നടന്ന പൊതുസമ്മേളനത്തില്‍ വിവിധ പദ്ധതികളുടെ ഉദ്ഘാടനം നിര്‍വഹിച്ച് സംസാരിക്കുകയായിരുന്നു പ്രധാനമന്ത്രി.
'മലയാളി സ്‌നേഹിതരേ' എന്ന വിശേഷണത്തോടെയാണ് പ്രധാനമന്ത്രി സദസിനെ അഭിസംബോധന ചെയ്തത്. കേരളത്തെ വികസന ഉത്സവവുമായി ബന്ധിപ്പിക്കാന്‍ അവസരം കിട്ടിയെന്നും എല്ലാ വികസന പദ്ധതികളുടെയും പേരില്‍ ആശംസ നേരുന്നുവെന്നും പ്രധാനമന്ത്രി പറഞ്ഞു. കേരളം വിജ്ഞാന സമൂഹമാണെന്നും കേരളത്തിലെ ജനത ഏറെ പ്രത്യകതയുള്ളവരാണെന്നും പ്രധാനമന്ത്രി അഭിപ്രായപ്പെട്ടു.
വാടര്‍ മെട്രോ പദ്ധതി ഉദ് ഘാടനം ചെയ്തതോടെ കൊച്ചിയിലെ ഗതാഗതസൗകര്യം കുറഞ്ഞ ചിലവില്‍ കൂടുതല്‍ സുഗമമാക്കുമെന്നും, ഡിജിറ്റല്‍ മേഖലയില്‍ വലിയ സംഭാവന നല്‍കാന്‍ ഡിജിറ്റല്‍ സയന്‍സ് പാര്‍കിന് കഴിയുമെന്നും പ്രധാനമന്ത്രി പറഞ്ഞു. വന്ദേഭാരത് എക്‌സ്പ്രസ് വന്നതോടെ തീര്‍ഥാടന കേന്ദ്രങ്ങളിലേക്ക് വേഗം എത്താനാകുമെന്നും ജി20 യോഗങ്ങള്‍ കേരളത്തില്‍ നടത്തിയത് ലോകത്തിന് മുന്നില്‍ കേരളത്തിന്റെ സാധ്യതകള്‍ വര്‍ധിപ്പിച്ചുവെന്നും പ്രധാനമന്ത്രി അഭിപ്രായപ്പെട്ടു.
ജലമെട്രോ, ഡിജിറ്റല്‍ സയന്‍സ് പാര്‍ക് തുടങ്ങിയ സംസ്ഥാന സര്‍കാര്‍ പദ്ധതികള്‍ക്ക് തുടക്കം കുറിച്ച പ്രധാനമന്ത്രി, റെയില്‍വേയുമായി ബന്ധപ്പെട്ട 1900 കോടി രൂപയുടെ വികസന പദ്ധതികളും പ്രഖ്യാപിച്ചു. ഇതില്‍ 1,140 കോടി രൂപയുടെ തിരുവനന്തപുരം സെന്‍ട്രല്‍, വര്‍ക്കല ശിവഗിരി, കോഴിക്കോട്, നേമം കൊച്ചുവേളി സ്റ്റേഷനുകളുടെ നവീകരണവും ഉള്‍പെടുന്നു.
ഭാരതത്തിന്റെ വികസന സാധ്യതകള്‍ ലോകം അംഗീകരിച്ചു കഴിഞ്ഞു. ഭാരതത്തിന്റെ വികസിത ശക്തിയുടെ ഗുണം പ്രവാസികള്‍ക്കും ലഭിക്കുന്നു. സംസ്ഥാനങ്ങളുടെ വികസനത്തിലൂടെ രാജ്യം വികസിക്കുമെന്ന കാഴ്ചപ്പാടാണ് കേന്ദ്ര സര്‍കാരിന്. അടിസ്ഥാന സൗകര്യവികസനത്തിന് വലിയ പരിഗണനയാണ് കേന്ദ്രം നല്‍കുന്നതെന്നും പ്രധാനമന്ത്രി ചൂണ്ടിക്കാട്ടി.
റെയില്‍വേ സുവര്‍ണ കാലഘട്ടത്തിലൂടെ കടന്നുപോകുന്നു. മുന്‍പുള്ള സര്‍കാരിന്റെ കാലത്ത് ലഭിച്ചതിനേക്കാള്‍ അഞ്ചിരട്ടി തുകയാണ് റെയില്‍വേ ബജറ്റിലൂടെ സംസ്ഥാനത്തിന് ഇപ്പോള്‍ ലഭിക്കുന്നതെന്നും പ്രധാനമന്ത്രി പറഞ്ഞു.
കേരളത്തിലെ മൂന്നു സ്റ്റേഷനുകള്‍ ആധുനീകരിക്കുന്നതിനുള്ള പ്രവര്‍ത്തനങ്ങള്‍ ആരംഭിച്ചതായി പ്രധാനമന്ത്രി പറഞ്ഞു. ഇവ കേവലം റെയില്‍വേ സ്റ്റേഷനുകള്‍ മാത്രമല്ല, ട്രാന്‍സ്‌പോര്‍ട് ഹബുകള്‍ കൂടിയാണ്. കേരളത്തില്‍ ഒരിടത്തുനിന്ന് മറ്റൊരിടത്തേക്കുള്ള യാത്ര വന്ദേഭാരത് ട്രെയിന്‍ സുഗമമാക്കും. ഷൊര്‍ണൂര്‍ മേഖലയിലെ വികസന പ്രവര്‍ത്തനങ്ങള്‍ അവസാനിക്കുമ്പോള്‍ സെമി ഹൈസ്പീഡ് ട്രെയിനുകള്‍ ഓടിക്കാനാകുമെന്നും പ്രധാനമന്ത്രി പറഞ്ഞു.
തിരുവനന്തപുരം ഷൊര്‍ണൂര്‍ സെക്ഷനിലെ 366.83 കിലോമീറ്റര്‍ വേഗം കൂട്ടാന്‍ ട്രാക് നവീകരണ പദ്ധതിക്കും പ്രധാനമന്ത്രി തുടക്കം കുറിച്ചു. പാലക്കാട്- ദിണ്ടിഗല്‍ മേഖലയിലെ റെയില്‍വേ ലൈന്‍ വൈദ്യുതീകരണ പ്രവര്‍ത്തനത്തിനും തുടക്കമായി.
'മലയാളി സ്‌നേഹിതരേ' എന്ന വിശേഷണത്തോടെയാണ് പ്രധാനമന്ത്രി സദസിനെ അഭിസംബോധന ചെയ്തത്. കേരളത്തെ വികസന ഉത്സവവുമായി ബന്ധിപ്പിക്കാന്‍ അവസരം കിട്ടിയെന്നും എല്ലാ വികസന പദ്ധതികളുടെയും പേരില്‍ ആശംസ നേരുന്നുവെന്നും പ്രധാനമന്ത്രി പറഞ്ഞു. കേരളം വിജ്ഞാന സമൂഹമാണെന്നും കേരളത്തിലെ ജനത ഏറെ പ്രത്യകതയുള്ളവരാണെന്നും പ്രധാനമന്ത്രി അഭിപ്രായപ്പെട്ടു.
വാടര്‍ മെട്രോ പദ്ധതി ഉദ് ഘാടനം ചെയ്തതോടെ കൊച്ചിയിലെ ഗതാഗതസൗകര്യം കുറഞ്ഞ ചിലവില്‍ കൂടുതല്‍ സുഗമമാക്കുമെന്നും, ഡിജിറ്റല്‍ മേഖലയില്‍ വലിയ സംഭാവന നല്‍കാന്‍ ഡിജിറ്റല്‍ സയന്‍സ് പാര്‍കിന് കഴിയുമെന്നും പ്രധാനമന്ത്രി പറഞ്ഞു. വന്ദേഭാരത് എക്‌സ്പ്രസ് വന്നതോടെ തീര്‍ഥാടന കേന്ദ്രങ്ങളിലേക്ക് വേഗം എത്താനാകുമെന്നും ജി20 യോഗങ്ങള്‍ കേരളത്തില്‍ നടത്തിയത് ലോകത്തിന് മുന്നില്‍ കേരളത്തിന്റെ സാധ്യതകള്‍ വര്‍ധിപ്പിച്ചുവെന്നും പ്രധാനമന്ത്രി അഭിപ്രായപ്പെട്ടു.
ജലമെട്രോ, ഡിജിറ്റല്‍ സയന്‍സ് പാര്‍ക് തുടങ്ങിയ സംസ്ഥാന സര്‍കാര്‍ പദ്ധതികള്‍ക്ക് തുടക്കം കുറിച്ച പ്രധാനമന്ത്രി, റെയില്‍വേയുമായി ബന്ധപ്പെട്ട 1900 കോടി രൂപയുടെ വികസന പദ്ധതികളും പ്രഖ്യാപിച്ചു. ഇതില്‍ 1,140 കോടി രൂപയുടെ തിരുവനന്തപുരം സെന്‍ട്രല്‍, വര്‍ക്കല ശിവഗിരി, കോഴിക്കോട്, നേമം കൊച്ചുവേളി സ്റ്റേഷനുകളുടെ നവീകരണവും ഉള്‍പെടുന്നു.
ഭാരതത്തിന്റെ വികസന സാധ്യതകള്‍ ലോകം അംഗീകരിച്ചു കഴിഞ്ഞു. ഭാരതത്തിന്റെ വികസിത ശക്തിയുടെ ഗുണം പ്രവാസികള്‍ക്കും ലഭിക്കുന്നു. സംസ്ഥാനങ്ങളുടെ വികസനത്തിലൂടെ രാജ്യം വികസിക്കുമെന്ന കാഴ്ചപ്പാടാണ് കേന്ദ്ര സര്‍കാരിന്. അടിസ്ഥാന സൗകര്യവികസനത്തിന് വലിയ പരിഗണനയാണ് കേന്ദ്രം നല്‍കുന്നതെന്നും പ്രധാനമന്ത്രി ചൂണ്ടിക്കാട്ടി.
റെയില്‍വേ സുവര്‍ണ കാലഘട്ടത്തിലൂടെ കടന്നുപോകുന്നു. മുന്‍പുള്ള സര്‍കാരിന്റെ കാലത്ത് ലഭിച്ചതിനേക്കാള്‍ അഞ്ചിരട്ടി തുകയാണ് റെയില്‍വേ ബജറ്റിലൂടെ സംസ്ഥാനത്തിന് ഇപ്പോള്‍ ലഭിക്കുന്നതെന്നും പ്രധാനമന്ത്രി പറഞ്ഞു.
തിരുവനന്തപുരം ഷൊര്‍ണൂര്‍ സെക്ഷനിലെ 366.83 കിലോമീറ്റര്‍ വേഗം കൂട്ടാന്‍ ട്രാക് നവീകരണ പദ്ധതിക്കും പ്രധാനമന്ത്രി തുടക്കം കുറിച്ചു. പാലക്കാട്- ദിണ്ടിഗല്‍ മേഖലയിലെ റെയില്‍വേ ലൈന്‍ വൈദ്യുതീകരണ പ്രവര്‍ത്തനത്തിനും തുടക്കമായി.
Keywords: PM Modi flags off Vande Bharat train, inaugurates water metro project in Kerala, Thiruvananthapuram, News, Politics, Prime Minister, Narendra Modi, Inauguration, Kochi Water Metro, Science Park, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
