മുസന്ദത്തിലെ ഒമാൻ അഡ്വഞ്ചേഴ്സ് സെന്ററിലാണ് സിപ്ലൈൻ സ്ഥിതിചെയ്യുന്നത്. സിപ്ലൈനിന് പുറമേ നിരവധി സാഹസിക വിനോദ പരിപാടികൾ വാഗ്ദാനം ചെയ്യുന്നു. സമീപഭാവിയിൽ നിരവധി സമുദ്ര, പർവത സാഹസിക പ്രവർത്തനങ്ങൾ അവതരിപ്പിക്കാനും പദ്ധതിയിടുന്നു. ഒമാൻ അഡ്വഞ്ചേഴ്സ് സെന്റർ ഔദ്യോഗിക അവധി ദിനങ്ങൾ ഉൾപ്പെടെ ആഴ്ചയിലുടനീളം രാവിലെ 10 മുതൽ വൈകിട്ട് ആറ് വരെ സന്ദർശകർക്കായി തുറക്കും.
അന്താരാഷ്ട്ര സുരക്ഷാ മാനദണ്ഡങ്ങൾക്കും നടപടിക്രമങ്ങൾക്കും അനുസൃതമായി നൂതന ബ്രേക്കിങ് സിസ്റ്റം, റൈഡർമാരെ സംരക്ഷിക്കുന്നതിനുള്ള ഹെൽമറ്റുകൾ, സുരക്ഷ ജാക്കറ്റുകൾ തുടങ്ങിയവ ഇവിടെ ഒരുക്കിയിട്ടുണ്ട്. ഇവിടേക്കുള്ള റോഡിൻറെ നിർമാണവും പൂർത്തിയായിട്ടുണ്ട്. സിപ്ലൈനിൽ സഞ്ചരിക്കാൻ ആഗ്രഹിക്കുവർക്ക് omanadventures(dot)com എന്ന അഡ്വഞ്ചർ സെന്റർ വെബ്സൈറ്റ് വഴി ബുക്ക് ചെയ്യാം.
മുസന്ദം ഗവർണർ സയ്യിദ് ഇബ്രാഹിം ബിൻ സഈദ് അൽ ബുസൈദിയുടെ നേതൃത്വത്തിലാണ് സെന്ററിന്റെ ഉദ്ഘാടന ചടങ്ങ് നടന്നത്. ചടങ്ങിൽ പൈതൃക, ടൂറിസം മന്ത്രാലയത്തിലെ നിരവധി ഉദ്യോഗസ്ഥർ, മേഖലയിലെ പ്രമുഖർ തുടങ്ങിയവർ പങ്കെടുത്തു. ഗിന്നസ് വേൾഡ് റെക്കോർഡ് പ്രതിനിധികളും ചടങ്ങിൽ സന്നിഹിതരായിരുന്നു.
Keywords: Guinness Records, Oman, Zipline, Musandam News, UAE News, Oman's dual zipline registered in Guinness Book of Records.
< !- START disable copy paste -->