Hakimi | സ്വത്തിന്റെ പകുതി വേണമെന്ന് മൊറോക്കന്‍ ഫുട്‌ബോള്‍ ഇതിഹാസം അശ്‌റഫ് ഹകിമിയോട് വിവാഹ മോചന നോട്ടീസില്‍ ഭാര്യ; തനിക്ക് ഒന്നുമില്ലെന്ന് താരത്തിന്റെ മറുപടി; സമ്പാദ്യമെല്ലാം മാതാവിന്റെ പേരില്‍!

റബാത്ത്: (www.kvartha.com) മൊറോക്കൊയുടെ ലോകകപ്പ് ഹീറോയും പിഎസ്ജി പ്രതിരോധ താരവുമായ അശ്‌റഫ് ഹകിമിയുടെ വിവാഹ മോചനം നേരത്തെ വാര്‍ത്തകളില്‍ നിറഞ്ഞുനിന്നിരുന്നു. എന്നാലിപ്പോള്‍, ഹകിമിയുടെ മുന്‍ ഭാര്യ ഹിബ താരത്തിന്റെ സ്വത്തിന്റെ പകുതി ആവശ്യപ്പെട്ടതായും അദ്ദേഹത്തിന്റെ പേരില്‍ ഒന്നുമില്ലെന്ന മറുപടിയാണ് ലഭിച്ചതെന്നും മാധ്യമങ്ങള്‍ റിപ്പോര്‍ട്ട് ചെയ്തു.
            

ഹകിമിയുടെ എല്ലാ സ്വത്തുക്കളും മാതാവിന്റെ പേരിലാണ്. തന്റെ ശമ്പളത്തിന് മാതാവിനെ ഗുണഭോക്താവാക്കിയതായും ആരോപണമുണ്ട്. ഏറ്റവും കൂടുതല്‍ പ്രതിഫലം വാങ്ങുന്ന ആഫ്രിക്കന്‍ ഫുട്‌ബോള്‍ കളിക്കാരില്‍ ഒരാളാണ് ഹകിമി. ആഴ്ചയില്‍ 215,000 ഡോളര്‍ സമ്പാദിക്കുന്നുണ്ടെന്നാണ് പറയുന്നത്. ഹക്കീമിയുടെ ആകെ സമ്പാദ്യം ഏകദേശം 200 കോടി രൂപയാണ്.

ഈ വര്‍ഷമാദ്യം 24കാരി ലൈംഗിക പീഡന ആരോപണം ഉന്നയിച്ചതാണ് ഹകീമിക്ക് തിരിച്ചടിയായത്. വീട്ടിലേക്ക് വിളിച്ചുവരുത്തി ഹകീമി പീഡിപ്പിച്ചെന്നായിരുന്നു യുവതിയുടെ ആരോപണം. ഭാര്യയും മക്കളും അവധിക്ക് പോയപ്പോഴായിരുന്നു സംഭവങ്ങളെന്നാണ് റിപ്പോര്‍ട്ട്. ഇതിന് പിന്നാലെ ഭാര്യ വിവാഹമോചന ആവശ്യവുമായി രംഗത്തെത്തുകയായിരുന്നു. വിവാഹ മോചന നോട്ടീസിലാണ് ഹിബ സ്വത്തിന്റെ പകുതി ഭാഗം ആവശ്യപ്പെട്ടത്.

Keywords: Moroccan-News, Ashraf-Hakimi-News, Sports-News, World News, Football News, Ashraf Hakimi, Morocco Football Player, Marriage, Ashraf-Hakimi Divorce, Moroccan footballer Ashraf Hakimi's wife asks for half his fortune in divorce, discovers he has 'nothing': Reports.

< !- START disable copy paste -->