മലപ്പുറം: (www.kvartha.com) വീട്ടുമുറ്റത്ത് കളിക്കുന്നതിനിടെ കല്ല് ദേഹത്ത് വീണ് ഏഴ് വയസുകാരന് ദാരുണാന്ത്യം. കരേക്കാട് കരുവഞ്ചേരി കപ്പൂരത്ത് വീട്ടില്‍ മുഹമ്മദ് ഹംദാനാണ് മരിച്ചത്. ഉച്ചയ്ക്ക് 12 മണിയോടെയായിരുന്നു അപകടം. കുട്ടിയെ ഉടന്‍തന്നെ വളാഞ്ചേരിയിലെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
കുട്ടികളുമായി കളിക്കുന്നതിനിടെ മുഹമ്മദ് ഹംദാന്റെ ദേഹത്തേക്ക് മഴയില്‍ കുതിര്‍ന്നു നിന്നിരുന്ന കല്ല് വീഴുകയായിരുന്നുവെന്നാണ് വിവരം. കാടാമ്പുഴ പൊലീസ് ഇന്‍ക്വസ്റ്റ് നടത്തിയ മൃതദേഹം പോസ്റ്റുമോര്‍ടത്തിന് ശേഷം ബന്ധുകള്‍ക്ക് വിട്ടു നല്‍കും.
കൊളമംഗലം എം ഇ ടി സ്‌കൂളിലെ ഒന്നാം ക്ലാസ് വിദ്യാര്‍ഥിയാണ്. ഹംസയാണ് പിതാവ്, സഹീറയാണ് മാതാവ്. മുഹമ്മദ് ഹനാന്‍ ഏകസഹോദരനാണ്.
Keywords: News, Kerala, Kerala-News, Malappuram-News, Malappuram, Accident, Student, Died, Child, Hospital, Playing, News-Malayalam, Malappuram: Seven-year-old boy died after stone fell on body while playing in backyard.