കോഴിക്കോട്: (www.kvartha.com) നാദാപുരം ഗവണ്‍മെന്റ് താലൂക് ആശുപത്രിയില്‍ മിന്നല്‍ പരിശോധന നടത്തി ആരോഗ്യമന്ത്രി വീണാ ജോര്‍ജ്. കിടത്തി ചികിത്സയ്ക്ക് സൗകര്യമൊരുക്കുന്നില്ലെന്ന വ്യാപക പരാതിയെ തുടര്‍ന്നായിരുന്നു പരിശോധന നടത്തിയത്. കിടത്തി ചികിത്സ ആവശ്യമായ രോഗികളെ ജില്ലാ ആശുപത്രിയിലേക്ക് അയക്കുന്നുവെന്നും പരാതി ഉയര്‍ന്നിരുന്നു.
വാര്‍ഡുകളിലും അത്യാഹിത വിഭാഗങ്ങളിലും ആരോഗ്യ മന്ത്രി പരിശോധന നടത്തി. കൂടാതെ ലാബുകളും രെജിസ്റ്ററും പരിശോധിച്ചു. 100 പേര്‍ക്ക് കിടത്തി ചികിത്സിക്കാന്‍ സൗകര്യമുള്ളിടത്ത് മന്ത്രി എത്തിയ സമയത്ത് മൂന്ന് രോഗികള്‍ മാത്രമാണ് കിടത്തി ചികിത്സയില്‍ ഉണ്ടായത്. മന്ത്രി സന്ദര്‍ശനം നടത്തുന്ന സമയത്ത് സൂപ്രണ്ട് ഉള്‍പെടെയുള്ള ആരോഗ്യപ്രവര്‍ത്തകര്‍ ആശുപത്രിയില്‍ ഉണ്ടായിരുന്നില്ലെന്നാണ് വിവരം.
Keywords: News, Kerala, Kerala-News, News-Malayalam, Kozhikode-News, Kozhikode, Veena George, Minister, Hospital, Health, Kozhikode: Veena George conducted lightning inspection at Nadapuram hospital.